Аккүл- Бигәнәй авылының гүзәл табигате

2024 елның 6 августы, сишәмбе

2 нче  август көнне Казанчы Бигәнәй китапханәчесе балалар өчен күл  буена экскурсия оештырды.Туган  як  табигатенең матурлыгын күрү, мәхәббәт һәм аңа сак караш тәрбияләү максатыннан башта балалар белән танып-белү әңгәмәсе үткәрелде. Китапханәче балаларга безнең сулыклардагы балыклар  турында сөйләде. Балалар шулай ук зур кызыксыну белән табигать турында табышмакларга җавап бирделәр, рәхәтләнеп хәрәкәтле уеннар уйнадылар, истәлеккә фотога төштеләр. Бу чара белән мәдәният хезмәткәрләре балаларга туган як  табигатенең бөтен файдасын һәм матурлыгын күрсәтергә теләде, аны сакларга кирәклеген аңлатты. Мондый йөрүләр балаларга зур шатлык китерә, табигатькә мәхәббәт уяна.