«Югары Утар психик тайпылышлары булган гражданнар өчен балалар интернат-йорты» дәүләт казна учреждениясендә “Гаилә, мәхәббәт һәм тугрылык” көненә багышланган спорт чарасы

8 июльдә Россиядә «Гаилә, мәхәббәт һәм тугрылык көне» бәйрәме билгеләп үтелә. Гаилә - безнең һәрберебез өчен тормышыбызда иң мөһиме, ул -якыннарыбыз һәм туганнарыбыз, без яраткан, кайгырткан кешеләр. Безнең балалар йортында Гаилә, мәхәббәт һәм тугрылык көненә багышланган спорт бәйрәме узды. Тәрбияләнүчеләрне ике командага бүлеп, мавыктыргыч һәм хәрәкәтчән уеннар тәкъдим ителде, мәсәлән, “Туп күчерү”, “Аркан тарту”, “Капчыкта йөгерү". Конкурслар бик кызык һәм мавыктыргыч килеп чыкты. Шулай ук, командалар футбол һәм баскетбол уеннарында да көч сынаштылар. Спорт ярышларында катнашучылар көч, җитезлек һәм чыдамлык кына түгел, ә командада эшләү, бер-беренә ярдәм итү осталыгын да күрсәттеләр. Спорт бәйрәме бер сулышта узды дисән һич ялган булмас. Барлык катнашучылар да бүләкләнде, һәрбер команда, күтәренке яхшы кәеф һәм уңай эмоцияләр белән тулыланды.