Мишә авыл җирлеге Сабантуена рәхим итегез!

     27-29нчы май көннәрендә Бөгелмә  шәһәрендә мәктәп укучыларының Бөтенроссия спорт бәйгесе “Президент уеннары”ның региональ этабы булып үтте. Әлеге ярышта сайлап алу турыннан узган район командалары катнашты. Саба районы данын Саба гимназиясе укучылары яклады. Укучылар һәр спорт төрендә дә уңышлы чыгыш ясадылар һәм гомумкоманда зачетында Саба гимназиясе беренче урынга лаек булды.  Аларны чын күңелдән котлыйбыз! «Саба гимназиясе» командасына ярышның Россия этабында да уңышлар теләп калабыз!

Бүген 31 май көнне "Каеф" яшьләр үзәгендә FIFA 2026 киберфутбол турниры узды. Турнирда 24 киберспортчы катнашты. 5 сәгать дәвамында кызу матчлар барды, аларның нәтиҗәләре буенча ярымфинал парлары билгеләнде, аларда Гайбадуллин Разил һәм Фәхуртдинов Айдар, шулай ук бертуган Кәримуллиннар Илфан һәм Илдан очраштылар. Айдар белән Илфан үз матчларында җиңеп, финалда очраштылар, анда Фәхуртдинов Айдар җиңү яулады. Өченче урын өчен матчта Кәримуллин Илдан көчлерәк булып чыкты. Шул рәвешле призерлар өчлеге болай күренә: 1 урын Фәхуртдинов Айдар  2 урын Кәримуллин Илфан 3 урын Кәримуллин Илдан.  Исегезгә төшерәбез, киләсе турнир 6 июньдә Байлар Сабасында "Сабантуй" бәйрәмендә узачак. Турнир 12:00 дә үзәк мәйдан капкасы янында башлана.

 Сабантуйга әзерлек-оештыру, мәдәни, спорт һәм иҗади аспектларны үз эченә алган күп этаплы процесс. Язгы кыр эшләре тәмамлану белән бәйле бу бәйрәм бәйрәм атмосферасын булдыру һәм традицияләрне саклап калу өчен җентекле әзерлек таләп итә. «Сабантуй» милли бәйрәменә әзерлек максатыннан Тимершык авыл җирлегендә «Сабантуй» уздыру  урыннарында  әзерлек  эшләре  алып барыла.

Вахитов Бәхтиярны шахмат буенча бөтенроссия онлайн турнирында 3нче урыны белән котлыйбыз!