Ит һәм ярымфабрикатлар җитештерү буенча мини-цех СПСПК «Мясной Барон»
2023 елдан Иштуган авыл җирлегенең Иштуган торак пунктында хәләл ярымфабрикатлар җитештерү буенча мини-цех эшли башлады. Продукция СПСПК “Мясной Барон” товар билгесе астында чыга. Компаниянең җитәкчесе Әхмәдуллин Илфат Нургаян улы.
2022 елда кооператив грант ала – ит эшкәртү һәм ярымфабрикатлар ясау өчен җиһазлар сатып ала.
Продукция Татарстан Республикасында якын-тирә районнар кооперативлары әгъзаларының чималыннан җитештерелә.
Производство ачылу нәтиҗәсендә яңа эш урыннары булдырылды. Бу кешеләр йорт янында эшлиләр, авылдан читкә китмиләр. Бүгенге көндә биредә, кирәкле санда булган 10 кеше урынына 5 кеше эшли,. Җитәкчелек әлеге эшчәнлеккә бөтен җаваплылык белән якын килгән коллективны җыя алды. Эш күп, әмма кадрлар дефициты өстәмә зур заказлар алырга мөмкинлек бирми.
«Мясной Барон» цехында ит котлетлары, пилмән, манты һәм башка күп нәрсәләр җитештерелә. Иң күп кулланыла торган продукция – клиентларга балачак тәмен хәтерләткән пилмән. Алар һәрвакыт товарлар линиясен киңәйтергә тырышалар, шулай итеп кешеләр тәкъдим ителгән ассортименттан үз әйберләрен сайлый ала. Продукциягә тәмләткечләр, консервантлар һәм башка химик рәвештә тәмне көчәйтә торган өстәмәләр кертелми. Һәрвакыт сыйфатлы һәм яңа ит кенә кулланыла.
Продукцияне кибетләрдә һәрвакыт яңа товарлар булсын өчен, кечкенә партияләр белән әзерлиләр. Җирле кибетләрдә сатыла. Аларның ярымфабрикатларына һәм итенә ихтыяҗ арта бара, чөнки күп кенә сатып алучылар СПСПК «Мясной Барон» җитештергән продуктларның яңалыгын һәм сыйфатын билгеләп үтәләр.