"Мәктәпкәчә белем бирү учреждениесендә коррекция-үсеш эшен оештыру" темасына педагог-психологлар һәм укытучы-логопедлар өчен республикакүләм семинар

2023 елның 26 октябре, пәнҗешәмбе

23 октябрьдә Шәмәрдән 3 нче номерлы  балалар бакчасы базасында "Мәктәпкәчә белем бирү учреждениесендә коррекция-үсеш эшен оештыру" темасына педагог-психологлар һәм укытучы-логопедлар өчен республикакүләм семинар узды. Семинарның төп максаты психологик һәм логопедик ярдәм өлкәсендә тәҗрибә уртаклашу, шулай ук катнашучыларның квалификациясен күтәрү һәм һөнәри күнекмәләрен яхшырту иде. Семинар барышында катнашучылар коллективның эш тәҗрибәсе белән таныша һәм мастер-классларда катнаша алдылар. Чарада Казан шәһәреннән, Саба, Арча һәм Кукмара районнарыннан утызга якын белгеч катнашты. Без алган белемнәр һәм яңа танышулар һәр катнашучыга үз эшен яхшыртырга һәм һөнәри эшчәнлегендә яңа югарылыкка ирешергә ярдәм итәр дип өметлеп калабыз.