Заказ бирү пунктларын ачарга теләгән Татарстан эшкуарлары өчен укыту вебинары
2023-2025 елларга Татарстан Республикасында интернет-сәүдәне үстерү программасы чараларын гамәлгә ашыру максатыннан «электрон сәүдә үзәге» АНО Яндекс Маркет маркетплейсы белән берлектә заказ бирү пунктларын ачарга теләүче Татарстан эшкуарлары өчен укыту вебинары оештыра.
Вебинар кысаларында эшкуарларга объектларны ачу мәсьәләсе буенча маркетплейс белән үзара эш итү модельләре турында сөйләячәкләр, ачу чыгымнарын оптимальләштерү буенча киңәшләр бирәчәкләр, шулай ук Яндекс Маркет ягыннан күрсәтелә торган ярдәм чаралары турында мәгълүмат бирәчәкләр.
Югарыда әйтелгәннәр белән бәйле рәвештә, шулай ук бизнесны киңәйтү мөмкинлеге өчен җирле эшмәкәрләрне катнашуга җәлеп итү максатыннан, Сездән районның/шәһәр округының эшмәкәрләр җәмәгатьчелегенә булачак чара турында хәбәр итүегезне сорыйм.
Вебинар 2023 елның 13 апрелендә 10.30 сәгатьтә узачак. Катнашу өчен сылтама буенча теркәлү үтәргә кирәк https://ano-cet.timepad.ru/event/2384798/
Вебинарга тоташу өчен сылтама теркәлү вакытында күрсәтелгән электрон почтага җибәреләчәк, шулай ук чара башланганчы бер сәгать алдан «Деловорот» телеграм-каналында урнаштырылачак.