Саба районыннан яшь гаиләләр торак алуга таныклык алдылар

2023 елның 28 феврале, сишәмбе

Районыбызның 8 гаиләсе «Яшь гаиләләрне торак белән тәэмин итү»программасы буенча торак шартларын яхшыртуга таныклык алды. Программа Татарстан Республикасы Яшьләр эшләре министрлыгы җитәкчелегендә тормышка ашырыла. Гаиләләргә сертификатларны Саба муниципаль районы башлыгы урынбасары Закирҗанов Расих Рәхимҗан улы тапшырды, тапшыруда шулай ук Яшьләр эшләре һәм спорт бүлеге начальнигы Гарипов Ирек Рамазан улы катнашты. Дәүләт ярдәме белән Сафиуллиннар, Сабировлар, Абдуллиннар, Шаһиевләр, Фәтхуллиннар, Таиповлар, Мөбәрәкшиннар һәм Әхтәмовлар гаиләләре уңайлы торак сатып ала алачаклар.