«Яшь гаилә» социаль ипотека программасы
Татарстанда «Яшь гаилә» социаль ипотека республика программасы дәвам итә. Социаль ипотека алу өчен төп шартлар - Татарстанда яшәү һәм эшләү, шулай ук торак шартларын яхшыртуга мохтаҗлык. Мөрәҗәгать итүченең яше 35 яшьтән артмаска тиеш. Исегезгә төшерәбез, 2020 елның җәендә Татарстан Республикасы Президенты Рөстәм Миңнеханов йөкләмәсе нигезендә Татарстан Дәүләт торак фондының социаль ипотека программасында яңа категория - «яшь гаиләләр» барлыкка килде. Торак шартларын яхшырту мәсьәләсендә яшь гаиләләргә ярдәм итүнең яңа механизмнарын эшләү һәм мөмкинлекләрен киңәйтү инициативасы белән Татарстан Республикасы Яшьләр эшләре министрлыгы чыгыш ясады. Татарстан Республикасы Президенты йөкләмәсе буенча мондый механизм Татарстан Республикасы Дәүләт торак фонды белән берлектә эшләнде. Хәзер бюджет өлкәсендә эшләүчеләр генә түгел, яшь гаиләләрнең барлык категорияләре дә фатир алырга мөмкин.Анда 18 яшьтән 35 яшькә кадәрге ир белән хатын рәсми рәвештә теркәлгән гаиләләр катнаша ала, әгәр 36 яшьтән яшьрәк ир яисә хатынның берсе булса да (ул гариза бирүче булып чыгыш ясаса) программада катнашу мөмкинлеге бар. Программада тулы булмаган гаиләләр дә катнаша ала - әгәр берүзе торучы кешенең тәрбиядә баласы булса. Шулай ук күчемсез милек сатып алырга мөмкинлек бирә торган керемне расларга кирәк.
"Яшь гаиләләр" ТР ДТФ соципотека программасында катнашу өчен учетка кую өчен мөрәҗәгать итүчене теркәү урыны буенча Башкарма комитетына мөрәҗәгать итәргә кирәк.