Әниләр көне
Илебездә билгеләп үтелә торган күпсанлы бәйрәмнәр арасында Әниләр көне аерым урын алып тора. Бу бәйрәмгә беркем дә битараф кала алмый, буыннан – буынга һәр кеше өчен әни-тормышның иң мөһим кешесе. 26 ноябрьдә Иштуган мәдәният йортында Әниләр көненә багышланган концерт узды. Үзешчән сәнгатьтә катнашучылар тамашачыларны җырлар, шигырьләр, әниләр турында сценкалар белән сөендерде. Авыл мәдәният йорты каршындагы клуб формированиеләрендә шөгыльләнүче яшь артистлар барлык әниләргә дә сәламәтлек һәм ачык көннәр теләделәр, төрле биюләр башкардылар. Башкаручыларның осталыгы, ярдәмчел һәм кызыксынучанлыгы аркасында һәр чыгыш тамашачылар өчен дә, чарада катнашучыларның үзләре өчен дә чын бәйрәмгә әверелде. Концерт программасында рус, татар композиторларының әсәрләре, әниләр турында эстрада һәм халык җырлары яңгырады. Концерт дуслар белән очрашу, Елмаю алмашу һәм бер-берең белән яхшы кәеф уртаклашу өчен бик яхшы сылтау булды.