"Сагынып кайттым сине, Тирән Дугай"

2022 елның 23 августы, сишәмбе

13 август көнне "Җырлы - биюле кичке уеннарга, болыннарга кайтам чор аша" проекты кысаларында, Керәнне авыл клубы, Кызыл Мишә мәдәният йорты белән берлектә "Сагынып кайттым сине, Тирән Дугай"дип исемләнгән ял кичәсе оештырды. Авылның һәр урамыннан гармунчыларга кичке уенга җыелган авылдашлар кушылды. Бәйрәм татар биюләре белән башланып китте. "Наза", "Гөлбану", "Капкалы", "Түбәтәй", "Йолдыз санау", "Йөзек салыш" һ.б. татар фольклор уеннары белән үрелеп барды. Бәйрәм коймак һәм бал белән самавырдан чәй эчү белән дәвам итте. Барысы да рәхәтләнеп күмердәге пешерелгән бәрәңге белән сыйланды, бәйрәмнән алган тәэсирләре белән уртаклашты, аерылышырга теләмәде. Кичә уртак җырлар һәм биюләр белән тәмамланды.