Байлар Сабасының үзәк мәйданында эш кайный

2021 елның 9 декабре, пәнҗешәмбе

       Календарьда – декабрь, кар катламы юка булса да, күңелләрдә Яңа 2022нче елга аяк басарга ерак калмады дигән уй. Елдагыча, торак-коммуналь хуҗалыгы хезмәткәрләре Байлар Сабасы бистәсенең үзәк мәйданын бәйрәмчә бизәргә керештеләр. Урман гүзәле яшел чыршы инде аллы-гөлле утлар белән балкып торучы күлмәген кигән. Иң катлаулысы – боз шәһәрчеге төзү. Шугалак кайчан әзер була микән дип көтеп торучы балалар булганда, көннең салкынлыгы да сизелми, ди биредә эшләүчеләр. Сәламәт булыйк, Яңа елга яңа өметләр белән аяк басыйк һәм алар чынга ашсын!