Икенче лига командалары арасында 2021 елгы Футбол буенча Татарстан Республикасы беренчелеге чемпионнары.
2021 елның 28 августында Байлар Сабасыннан "Сабагро" командасы икенче лига командалары арасында 2021 елгы Футбол буенча Татарстан Республикасы Беренчелегендә җиңүче булды. Финалда "Сабагро" командасы Азнакайдан "Азнакай" командасын 8-2 исәбе белән тар-мар итте.Киләсе сезонда сабалылар республиканың беренче лигасында чыгыш ясарга ниятли.
2021 елның 29 августында Кукмарада ир-атлар командалары арасында «Мөхәммәтшин кубогы»на районара футбол турнирының финал уеннары узды. Бу көнне өченче урын өчен Саба районы «Яшьлек» һәм "Большак" (Кукмара районы) командалары көч сынашты. Финалда «Степана Разина» (Кукмара районы) һәм «Сабагро» (Саба районы) командалары очрашты. Саба муниципаль районы командалары яхшы нәтиҗәләр күрсәттеләр.
Турнир нәтиҗәләре буенча призлы урыннар түбәндәгечә бүленде::
1 урын "Степан Разина";
2 урын "Сабагро";
3 урын "бОЛЬШАК";
4 урын "Яшьлек".
Без спортчыларыбызны чын күңелдән котлыйбыз һәм аларга киләчәктә дә җиңүләр телибез.