Муниципаль районнар Саба муниципаль районы

Олы Нырты авыл җирлегендә Җиңү көненә багышланган митинг

2021 елның 11 мае, сишәмбе

Бөек Ватан сугышында җиңүнең 76 еллыгын бәйрәм иткән көннәрдә, Завод Нырты авылындагы сугыштан кайтмый калган авылдашлар истәлегенә эшләнгән стела каршында бәйрәм митингы үткәрелде. Әлеге митингта авыл мәдәният йорты хезмәткәрләре, китапханәче, Завод Нырты урта мәктәбе укучылары һәм укытучылары, тыл ветераннары, авыл халкы һәм бәйрәмгә килгән кунаклар катнашты. Укучылар мәктәптән һәйкәлгә кадар, “Үлемсез полк” акциясе кысаларында, бабаларының рәсемнәрен күтәреп хәрәкәт иттеләр. Бәйрәмне мәдәният йорты хезмәткәрләре ачып җибәрделәр, аннан соң бәйрәм укучыларның Җиңү көне уңаеннан концерт номерлары белән үрелеп барды. Бәйрәм митингы һәйкәлгә чәчәкләр кую һәм Бөек Ватан сугышында катнашкан әби-бабаларыбызны бер минут тынлык белән искә алып тәмамланды.

Тэги: Олы Нырты авыл җирлеге

Олы Нырты авыл җирлеге.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

ноябрь, 2024 ел

Лесхоз урта мәктәбендә полиция капитаны белән әңгәмә

Лесхоз урта мәктәбендә УУП полиция капитаны А.А. Сибагатов белән "белергә, истә тотарга һәм горурланырга кирәк"дигән әңгәмә үткәрелде. Әңгәмә укучыларны патриотик тәрбияләүгә, зур һәм кече Ватанга мәхәббәт тәрбияләүгә, актив гражданлык позициясе формалаштыруга, Россия Кораллы Көчләренә, армиядә хезмәт итүгә уңай мөнәсәбәт булдыруга, Ватанны саклауга даими әзерлеккә юнәлдерелгән иде.

Бүген "Яшьлек" яшьләр үзәге өстәмә белем бирү педагоглары балалар белән "Гаилә кояшы "дигән темага әңгәмә үткәрде.

Игра "Одно из самых ярких молодежных движений в Татарстане – КВН – в этом году отмечает 30-летие!"

Татарстанда иң яхшы яшьләр хәрәкәтләренең берсе – КВН- быел 30 еллыгын билгеләп үтә! Казан шәһәренең "УНИКС" спорт комплексында узган Чемпионнар кубогында тамашачылар күп санлы матур номерлар һәм онытылмас мәзәкләр бүләк иткән командаларының чыгышларын күрә алды! Шекше мәдәният йортының "Бөрлегән" үрнәк фольклор коллективы (җитәкчесе Л.А.Хисмәтова, аккомпаниаторы Р. Н. Шәрипов) юбилей уенында катнашып, Зур алтын чемпионнар кубогына ия булган «Татар лигасы» командасы составында чыгыш ясады.

Беседа «Как распознать беду?»

11 ноябрь көнне Шәмәрдән мәдәният йорты белгече Шәмәрдән лицее укучылары өчен наркоманияне профилактикалау буенча сораулар һәм җаваплар белән «Как распознать беду?» дигән әңгәмә үткәрде. Әңгәмә барышында балалар үсмерләр арасында наркоманиянең сәбәбе нәрсәдә икәнен аңларга тырышып карадылар. Белгеч балаларга наркотиклар һәм психоактив матдәләрнең зыяны, аларны куллануның яшүсмерләр тарафыннан сагышлы нәтиҗәләре турында сөйләде. Яшүсмерләргә хокук бозулар яки җинаятьләр кылган өчен балигъ булмаганнарны нинди җаваплылыкка тартырга мөмкин булуы турында аңлатылды. Әңгәмә барышында наркотикларга каршы юнәлештәге китаплардан кайбер фразалар укыдылар, төрле тормыш хәлләре турында фикер алыштылар, һәркем үз фикерен әйтте һәм кызыксындырган сораулар бирде.

ЯҢАЛЫКЛАРГА ЯЗЫЛУ