Шәмәрдән авыл җирлегендә «Газпром трансгаз Казан» ҖЧҖ коллективы өчен чаңгы ярышлары узды.

2021 елның 2 марты, сишәмбе

       «Яшьлек» яшьләр үзәге хезмәткәрләре «Газпром трансгаз Казан» ҖЧҖ коллективы өчен чаңгы ярышлары үткәрделәр. Ярышларны ачу тантанасында Шәмәрдән магистраль газүткәргечләр линия җитештерү идарәсе начальнигы Гатауллин Илшат Илдар улы, «Яшьлек» яшьләр үзәге директоры Маканов Динар Каршигай улы катнашты. Ир-атлар стартка беренче булып 5 һәм 3 км дистанциягә атылды, аннары хатын-кызлар 3 һәм 2 км дистанциягә чыкты. Җиңүчеләр һәм призерлар грамоталар белән бүләкләнде.