Мәктәп укучыларынын физик тәрбия фәне буенча бөтенроссия олимпиадасынын региональ этабы
2021 елның 11-14нче февралендә физик тәрбия буенча Бөтенроссия мәктәп укучылары олимпиадасының региональ этабы узды. Сәләтле балалар интернат-мәктәбе укучылары Закирова Регина (8нче сыйныф), Борһанова Ләйсән (11нче сыйныф), Сабиров Мурат (10нчы сыйныф), Галявин Әмир (11нче сыйныф) (укытучысы Вафин Л.Р.) әлеге олимпиаданың җиңүчеләре булдылар. Саба гимназиясе укучылары Биктаһирова Сөмбел (9нчы сыйныф) (укытучысы Әхтәмов А. Н.), Рәфыйков Әмир (10нчы сыйныф) (укытучысы Кәримов И. И.), Сәләтле балалар интернат-мәктәпнең 11нче сыйныф укучысы Фаваризова Ралина (укытучысы Вафин Л.Р), Эзмә урта мәктәбенең 11нче сыйныф укучысы Галиев Салават (укытучысы Галиев А. Г.), Олы Кибәче урта мәктәбенең 10нчы сыйныф укучысы Гатиатуллин Ильяс (укытучысы Мөбәрәкҗанов Р.Р.) призерлар булдылар. Укучыларны һәм аларның укытучыларын җиңүләре белән котлыйбыз! Аларга уңышлар һәм яңа казанышлар телибез.