Маршрут буенча Экскурсия

2019 елның 24 октябре, пәнҗешәмбе

24 октябрь көнне Шекше һәм Алан-Елга авылларында яшәүче өлкәннәрнең эш көннәрен төрлеләндерү максатыннан Шекше мәдәният йорты хезмәткәрләре Саба районына экскурсия оештырдылар. Вәлиева Тамчыгөл Мингәр-Саба маршруты буенча экскурсия үткәрде һәм әбиләргә әлеге торак пунктларның истәлекле урыннары турында сөйләде. Экскурсия төркеме Шәүкәт Биктимеров музеенда һәм Миңгәр авылында Сөембикә манарасында булды, Сабада яр буе буйлап йөрде, "Сабантуй" комплексында булдылар, анда ат абзарына кереп, уенчык автоматларыннан аттылар. Гомумән, әбиләр экскурсиядән дә, экскурсоводтан да бик канәгать калдылар һәм киләчәктә районның тагын башка кызыклы урыннарында булырга теләк белдерделәр.