Муниципаль районнар Саба муниципаль районы

Ат спорты буенча Татарстан Республикасы Чемпионаты һәм Беренчелеге

2019 елның 26 апреле, җомга

20-22 апрель көннәрендә Казан шәһәрендәТатарстан Республикасының ат спорты Федерациясе һәм Татарстан Республикасы спорт Министрлыгы ярдәме белән оештырылган Татарстан Республикасы Чемпионаты һәм Беренчелегендә “Сабантуй” спорт мәктәбе спортчылары катнашты.

Ярышларда Татарстан, Башкортостан, Марий Эл республикаларыннан, Самара, Оренбург өлкәләреннән барлыгы 21команда, 120 спортчы һәм 113 ат катнашты. Әлеге ярышларның иң яхшы спортчылары Татарстан Республикасының ат спорты буенча җыелма команда составында Идел буе федераль округының Чемпионаты һәм Беренчелегендә республикабыз данын яклаячаклар.

“Сабантуй” спорт мәктәбенә йөрүче Ахметвалиев Айрат Лопинг атамалы атта “Открытый класс” категориясендә беренчелекне яулады.

Шәхси беренчелектә 4 яшьлек аттагы җайдаклар арасында “Сабантуй” спорт мәктәбе тренерлары Ахмитшина К.Н. һәм Мустафин Р.А. беренче һәм өченче урыннарга лаек булдылар.

Спортчыларыбызны уңышлары белән котлыйбыз һәм алга таба да унышлар теләп калабыз!

Яшьләр эшләре һәм спорт бүлеге

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

гыйнвар, 2026 ел

"Татар әдәбияты ханы"

2 сентябрь көнне Олыяз авыл китапханәсендә танылган татар язучысы һәм публицисты Фатих Әмирханның 140 еллыгына багышланган "Татар әдәбияты ханы" исемле чара узды. Китапханәче укучыларны язучының гаиләсе һәм балачагы белән таныштырды, аның тормышы һәм Мәскәүдәге, Казандагы эшләре, Габдулла Тукай белән дуслыгы турында сөйләде. Әмма, күп кенә бөек кешеләр кебек, Әмирхан да озак яшәмәгән. 40 яшендә ул вафат була. Татар әдәбияты классигы Фатих Әмирхан 21 яшендә паралич суккан, әмма физик хәле аның ихтыяр көчен сындырмаган, бары тик күңелен һәм холкын чыныктырган. Чарага әзерләнгән китап-иллюстратив күргәзмә балалар арасында уңыш казанды. Чара азагында балалар үзләренең укылган әсәрләреннән өзекләр турындагы фикерләре белән уртаклаштылар. Барлык балалар да укудан һәм аралашудан зур ләззәт алдылар! Ахырда балалар шатланып рәсем ясарга, уйнарга, журналлар, китаплар карарга калдылар.

“Яшел чыршы чакыра”

Укучыларның кышкы каникул чорында аларның вакытларын файдалы уздыру максатыннан Иләбәр авыл китапханәсе һәм клуб хезмәткәрләре төрле чаралар уздыралар.2 январь көнне “Яшел чыршы чакыра” дигән исем асында бәйрәм чарасы уздырылды.Чара китапханәдә башланып китте.Биредә укучылар кыш фасылына кышкы табигатькә багышланган табышмакларга җавап эзләделәр. Әкият, мультфильм геройларын таныдылар, сорауларга җаваплар бирделәр.Чараның икенче өлешендә алар төрле уеннарда катнаштылар.Чара балалар дискотекасы белән дәвам итте.

“Күңелләргә салкын комачауламый”

Кыш - елның тылсымлы вакыты, мавыктыргыч уеннар һәм саф һавада күңел ачулар өчен менә дигән сезон. Кышкы күңел ачулар балаларга гадәттән тыш шатлык кына китереп калмый, аларның сәламәтлеген ныгыту өчен дә файда китерә. 2 гыйнварда Иштуган авылы мәдәният йорты һәм китапханә белгечләре “Күңелләргә салкын комачауламый” дигән уен программасы үткәрделәр. Балалар рәхәтләнеп уеннарда уйнадылар, әйлән-бәйлән уйнадылар, биеделәр. Чара дусларча җылы атмосферада узды.

"Такташ - мәхәббәт җырчысы"

Татар әдәбияты классигы Һади Такташның тууына 125 ел тулу уңаеннан, 2 нче гыйнвар көнне Югары Шытсы авыл китапханәсендә "Такташ - мәхәббәт җырчысы"исемле шигърият сәгате үткәрелде. Чара барышында "Мокамай", "Алсу", "Ак чәчәкләр" шигырьләре һәм поэмалары яңгырады. Балалар шулай ук Фуат Галимуллинның "Мәхәббәт тәүбәсе" поэмасыннан аудиоязма тыңладылар. Китапханәдә оештырылган китап күргәзмәсе, юбилярның күпкырлы мирасын чагылдырып, чарага искиткеч өстәмә ярдәмлек булды. Әлеге шигъри сәгать азагында китапханәче катнашучыларга истәлекле бүләкләр тапшырды. Һади Такташның рухи матурлыкка, мәхәббәткә һәм Ватанга тугрылыкка дан җырлаган поэзиясе бүген дә, дистә еллар элек булган кебек, ихлас һәм илһамлы яңгырый.

ЯҢАЛЫКЛАРГА ЯЗЫЛУ