ЯҢАЛЫКЛАР

Яңа ел-иң якты һәм истә калырлык бәйрәм. Ул үзе белән тылсым һәм могҗизалар алып килә. Чын бәхет һәм күңел ачу хисе бирә. Барыннан да бигрәк бу бәйрәмне әлбәттә,балалар шатлананып  көтәләр ! Алар  бигрәк тә бу  бәйрәменнең кунаклары   Кыш Бабай һәм Кар Кызын көтеп алалар.3 январь көнне Кызыл Мишә мәдәният йортында китапханә белән берлектә Тимершык  авыл җирлегенә кергән  мәдәният йортлары,авыл клублары һәм китапханә хезмәткәрләре катнашында " Тылсымлы кыш " исемле балалар бәйрәме үткәрелде. Балалар бәйрәм рухына чумдылар, кызыклы конкурсларда катнаштылар һәм әлеге тамашадан  канәгать калдылар.Чөнки һәркем үз бүләген һәм бәйрәм кәефен алды.

3 январь көнне, Яңа ел яллары вакытында, Шәмәрдән авыл китапханәсендә «Яңа ел әкиятләре» дигән мавыктыргыч уку сәгате үткәрелде. Чара барышында «Дуслык» клубы хатын-кызлары Яңа ел могҗизалары турындагы тылсымлы әкиятләр дөньясы белән искә алдылар. Китапханәче белән бергә алар кыш һәм Яңа ел бәйрәмнәре турында сөйләүче Иң яхшы әсәрләр: В. Одоевскийның «Мороз Иванович», А.Н. Островскийның «Снегурочка», Э. Гофманның «Щелкунчик» әкиятләре, Рус халык әкиятләре «Морозко», «По щучьему велению» һәм «Девочка Снегурочка»т урында фикер алыштылар. Бу чара күңелле вакыт уздыру гына түгел, ә китаплар дөньясыннан бик күп яңа һәм файдалы нәрсәләр белү һәм яңа әдәби геройлар белән танышу өчен дә менә дигән мөмкинлек булды.

Каникуллар вакытында сәламәт яшәү рәвеше алып бару өчен һәм файдалы вакытта район халкын тимераякта һәм чаңгыда шуарга чакырабыз.

3 гыйнварда, Кышкы бәйрәмнәрнең иң кызган вакытында, районның үзәк мәйданы балалар уеннары һәм спорт ярышлары өчен чын аренага әверелде. Чыршы янында һәркемнең яраткан "Күңелле стартлары" узды, алар яшьләргә һәм әти-әниләренә күңел күтәренкелеге, яхшы кәеф һәм онытылмас тәэсирләр бүләк итте. Чара акыл өчен мавыктыргыч разминкадан башланды-балалар Яңа ел табышмаклары чиштеләр, үзләренең зирәклекләрен һәм эрудицияләрен күрсәттеләр. Интеллектуаль старттан соң чыршы тирәли әйлән-бәйлән уйнау барлык катнашучыларны берләштерде, бердәмлек хисе тудырды. Аннары бер баланы да битараф калдырмаган актив уеннар башланды.

 "Ат чабышы" кебек күңелле ярышларда нәни спортчылар бик теләп катнаштылар:

"Пингвиннар" уены  җитезлек һәм координация таләп итә торган кызыклы эстафета барысын да чын күңелдән көләргә мәҗбүр итте.

"Туплы Хоккей"  яшь хоккейчылар дустанә атмосферада җиңү өчен көрәшеп, үзләренең спорт осталыкларын күрсәттеләр.

 "Кар атышу" традицион кышкы уен.

Бәйрәмнең кульминациясе булып күптән көтелгән кунаклар – Кыш Бабай һәм Кар кызы килү булды.  Алар катнашучыларны Яңа ел белән котладылар, сәламәтлек, бәхет һәм иң изге теләкләрен тормышка ашуын теләделәр. Аларның җылы сүзләре һәм ихлас теләкләре балаларда һәм өлкәннәрдә соклану уятты. Чара азагында Кыш Бабай һәм Кар Кызы барлык катнашучыларга лаеклы бүләкләр һәм татлы ризыклар тапшырдылар. Һәрбер бала үзе белән күңелле сувенирлар гына түгел, дуслары һәм якыннары арасында үткәргән якты һәм күңелле көннең матур истәлекләрен дә алып китте.

1 гыйнварда Ике басу Арташ мәдәният йортынында "Эх күңел ачабыз,ничек шома басабыз"дип исемләнгән бәйрәм дискотекасы узды.Фирдүс Тямаевның дәртле җырлары 90 нчы еллар хитларын алыштырды. дискотека барышында призлар уйнатылды, конкурслар узды.Дискотека түләүле нигездә иде.

Афиша  

Саба район үзәк хастаханәсе хезмәткәрләре Шәмәрдән участок хастаханәсе белән берлектә Байлар Сабасы бистәсендәге Үзәк чыршы янында ачык һавада матур бәйрәм чарасы үткәрделәр

31 декабрь көнне Ике басу Арташ мәдәният йортының мәдәният хезмәткәрләре авыл китапханәсе белән берлектә "Тылсымлы туфрак туфрагы Яңа ел" исемле яңа ел бәйрәме үткәрделәр.

Бәйрәмдә авыл халкы,күрше авыл кешеләре,кунаклар һәм "Хәзинә"хореография коллективы катнашты. Мәдәният йортында барысын да матур итеп бизәлгән Яңа ел чыршысы,фотозона,утлар төсендә балкып торган сәхнә көтә иде. Кунаклар өчен кызыклы һәм хәрәкәтчән уеннар оештырылды. Яңа ел бәйрәмендә бәйрәм һәм күңел ачу рухы хөкем сөрде. Ә Кыш бабай белән Кар кызы шатлыкка килгәч, бик күп яңа ел бәйгеләре, күңелле уеннар үткәрделәр. Җиңүчеләрне призлар көтте.Бәйрәмдә Кыш бабай балалары СВО зонасында булган аналарга бүләкләр тапшырды. Күңелле музыка, бәйрәм кәефе,котлаулар

Кыш бабай һәм Кар Кызы барлык катнашучыларга ел буена көч һәм энергия бирделәр. Чараны үткәрүдә ярдәм иткәне өчен мәдәният бүлеге җитәкчесенә зур рәхмәтебезне белдерәбез Рөстәм Фидаил улына, "Нырты" АХП ҖЧҖ җитәкчесе Ильяс Илдус улына, авылдашлары Фаил Камил улына,Наил Хәмит улына,Ирек Наил улына.

Бүген Саба аграр көллияте һәм Саба урта мәктәбенә  укуда, спортта, сәнгатьтә алдынгы булган, шулай ук бүгенге көндә әтиләре  махсус хәрби операциядә катнашучы мәктәп укучылары ел саен үткәрелә торган район хакимияте башлыгының Чыршы бәйрәменә җыелды. Чарада районыбыз мәктәпләрендә һәм аграр көллияттә белем алучы укучылар катнашты. Саба урта мәктәбендә бәйрәмгә килүчеләрне һәр почмакта аниматорлар уен-көлке, җыр-бию белән каршы алды, алты юнәлештә мастер-класслар үтте.  Саба аграр көллиятендә югары сыйныф укучылары өчен кызыклы тамаша узды. Һәр катнашучыга шәхси эшмәкәр Гөлия Каримова кибетеннән мәктәп кирәк-яраклары алу өчен сертификат, тәм-томнар, уеннарда катнашучыларга аерым истәлекле  бүләкләр таратылды.

    Чара кысаларында 2025нче елда Татарстан Республикасының Архив эше буенча дәүләт комитеты тарафыннан үткәрелгән “Минем шәҗәрәм” дигән генеологик тикшеренүләрнең республика бәйгесенә дә йомгак ясалды. Бәйгедә өч яшь төркеме буенча 25 мәктәп укучысы катнашты һәм җиңүчеләр акчалата бүләккә ия булды. Район башлыгы Рәис Нургали улы Миңнеханов котлавыннан соң, сәхнәдә Яңа ел тамашасы башланып китте. Кыскасы, укучылар бәйрәмнән яңа көч, дәрт һәм бәйрәмчә хис-кичерешләр белән таралыштылар.

2 сентябрь көнне Олыяз авыл китапханәсендә танылган татар язучысы һәм публицисты Фатих Әмирханның 140 еллыгына багышланган "Татар әдәбияты ханы" исемле чара узды. Китапханәче укучыларны язучының гаиләсе һәм балачагы белән таныштырды, аның тормышы һәм Мәскәүдәге, Казандагы эшләре, Габдулла Тукай белән дуслыгы турында сөйләде. Әмма, күп кенә бөек кешеләр кебек, Әмирхан да озак яшәмәгән. 40 яшендә ул вафат була. Татар әдәбияты классигы Фатих Әмирхан 21 яшендә паралич суккан, әмма физик хәле аның ихтыяр көчен сындырмаган, бары тик күңелен һәм холкын чыныктырган. Чарага әзерләнгән китап-иллюстратив күргәзмә балалар арасында уңыш казанды. Чара азагында балалар үзләренең укылган әсәрләреннән өзекләр турындагы фикерләре белән уртаклаштылар. Барлык балалар да укудан һәм аралашудан зур ләззәт алдылар! Ахырда балалар шатланып рәсем ясарга, уйнарга, журналлар, китаплар карарга калдылар.