ЯҢАЛЫКЛАР
1 октябрьдә Саба районында ел саен 50 ел бергә яшәгән алтын юбилярлар хөрмәтләнә. Быел бу чарада безнең җирлектән Римма һәм Раиф Гаязовлар, Нурислам һәм Кәүсәрия Латыйповлар, Гөлсинә һәм Нәкыйф Мөбәрәкшиннар катнашты. Алтын туй-ул 50 ел бергә яшәгәннән соң билгеләп үтелә торган юбилей. Бу гаилә бәйләнешләренең ныклыгын гәүдәләндерүче мөһим һәм әһәмиятле вакыйга. Бу көнне ир белән хатын никахтагы беренче адымнарын искә төшерәләр, тарихлары белән уртаклашалар һәм, бәлки, 50 ел элек бер-берсенә биргән антларын кабатлыйлар.
Татарстан Республикасы территориясендә метеорологик күренешләрнең интенсивлыгы турында консультация-кисәтү
Иске Икшермә авыл җирлегенең алтын юбилярлары
2025 ел-“Ватанны саклаучылар елы” уңаеннан Шекше төп мәктәбендә солдат белән очрашу үткәрелде. Очрашуга ВДВ өлкәсендә хезмәт итеп, әле күптән түгел генә туган якларына әйләнеп кайткан Мубараков Илнур Газинур улы килде.
Югары Симет урта мәктәбендә өлкәннәр көне билгеләп үтелде. Шушында эшләп лаеклы ялга чыккан укытучыларга, хезмәткәрләргә укучылар концерт номерлары куйдылар. Өлкәннәр балаларның сорауларына җавап бирделәр, яшьлек хатирәләре белән уртаклаштылар. Мәктәп директоры Гарифуллин Рафис Нәкыйп улы өлкәннәрне бәйрәм белән котлады.
Ел саен, алтын чорда без бөтен көчен һәм белемен халкына багышлаган, яшь буынга сәламәтлеген һәм яшьлеген биргән кешеләрне хөрмәтлибез. Өлкәннәр көнен бәйрәм итү кысаларында 1 октябрь көнне Язлы Арташ авыл клубында «Гомер козегез матур булсын»дигән тематик кичә оештырылды.Арташ авыл җирлеге башлыгы Рөстәм Илсур улы Мөхәрләмов сәламәтлек һәм озын гомер теләп котлады.Чара кунаклары бәйрәмне оештыручыга алган хисләре , бүләк ителгән кәефе һәм күңелдә онытылмаслык тәэсирләре өчен рәхмәт белдерделәр. "Нырты АХП"ҖЧҖ җитәкчесе Дәүләтгәрәев Ильяс Илдус улына күрсәткән ярдәме өчен зур рәхмәтебезне белдерәбез
1 октябрь көнне Шәмәрдән авыл китапханәсе һәм балалар китапханәсе "Дуслык" клубы хатын-кызлары белән Өлкәннәр көненә "Алга! Картлыктан" дигән бәйрәм кичәсе үткшрделәр. Өлкәннәр үз адресына бик күп изге сүзләр, теләкләр ишеттеләр, күңелле аралашу мөмкинлеге алдылар. Алар кызыклы бәйгеләрдә, уеннарда һәм викториналарда актив катнаштылар, мәкальләр һәм әйтемнәрне искә төшерделәр, рәхәтләнеп такмаклар җырладылар. Бәйрәм чарасы җылы һәм дустанә атмосферада узды. Китапханәчеләр катнашучыларга игътибар һәм яхшы кәеф бүләк иттеләр. Пенсионерлар күңелләре белән ял иттеләр, аралаштылар, үзләре өчен бик күп кызыклы һәм файдалы нәрсәләр белделәр.
Өлкән буын -ул безнең әби- бабаларыбыз, әти- әниләребез. 1 октябрь бәйрәме өлкәннәргә үзенең кайгыртуыңны, хөрмәтеңне белдерү өчен тагын бер сәбәп булып тора. Әлеге бәйрәм уңаеннан 1 октябрь көнне Олы Нырты мәдәният йортында , китапханәче белән берлектә «Көзләрнең дә була үз яме" дип исемләнгән ял кичәсе оештырылды. Олы Нырты авыл җирлеге башлыгы Р.З. Сафаргалиев , авылыбызның имамы Мансур мулла өлкәннәргә үзләренең изге теләкләрен җиткерделәр."Миләшкәй" балалар бакчасында тәрбияләнүче балаларда, үзләренең әби- балаларына матур җырлар, шигырьләр бүләк иттеләр. Бәйрәмебезне тагында бизәүчеләр, махсус кунакларыбыз, район мәдәният йорты каршында эшләп килүче- Габделхаков Газинур абый җитәкчелегендәге " Нәүрүз" халык фольклор коллективы чыгышы булды. Аларның моңлы җырларына, өлкәннәребез үзләре дә кушылып жырлардылар.Кичәдә катнашучылар бер-берсенә матур теләкләр теләделәр, яшьлек елларын искә алдылар. Чәй табыны артында узган әлеге җылы очрашу һәркемнең кәефен күтәрде, яшәү көчен арттырды. Кичә ахырында, авылыбызның хөрмәтле ветеран укытучысы Гаффарова Мөнәвәрә апа, бәйрәмдә катнашкан һәркемгә үзенең изге теләкләрен җиткерде.Бәйрәмне үткәрергә матди ярдәм күрсәткән "Нырты» авыл хуҗалыгы җәмгыятенә өлкәннәребез исеменнән чиксез зур рәхмәтебезне җиткерәбез.
Өлкән буын -ул безнең әби- бабаларыбыз, әти- әниләребез. 1 октябрь бәйрәме өлкәннәргә үзенең кайгыртуыңны, хөрмәтеңне белдерү өчен тагын бер сәбәп булып тора. Әлеге бәйрәм уңаеннан 1 октябрь көнне Олы Нырты мәдәният йортында , китапханәче белән берлектә «Көзләрнең дә була үз яме" дип исемләнгән ял кичәсе оештырылды. Олы Нырты авыл җирлеге башлыгы Р.З. Сафаргалиев , авылыбызның имамы Мансур мулла өлкәннәргә үзләренең изге теләкләрен җиткерделәр."Миләшкәй" балалар бакчасында тәрбияләнүче балаларда, үзләренең әби- балаларына матур җырлар, шигырьләр бүләк иттеләр. Бәйрәмебезне тагында бизәүчеләр, махсус кунакларыбыз, район мәдәният йорты каршында эшләп килүче- Габделхаков Газинур абый җитәкчелегендәге " Нәүрүз" халык фольклор коллективы чыгышы булды. Аларның моңлы җырларына, өлкәннәребез үзләре дә кушылып жырлардылар.Кичәдә катнашучылар бер-берсенә матур теләкләр теләделәр, яшьлек елларын искә алдылар. Чәй табыны артында узган әлеге җылы очрашу һәркемнең кәефен күтәрде, яшәү көчен арттырды. Кичә ахырында, авылыбызның хөрмәтле ветеран укытучысы Гаффарова Мөнәвәрә апа, бәйрәмдә катнашкан һәркемгә үзенең изге теләкләрен җиткерде.Бәйрәмне үткәрергә матди ярдәм күрсәткән "Нырты» авыл хуҗалыгы җәмгыятенә өлкәннәребез исеменнән чиксез зур рәхмәтебезне җиткерәбез.
Бу истәлекле көнне безнең медицина хезмәткәрләре районның элеккеге Сәламәтлек саклау хезмәткәрләре янына барып, хөрмәтле пенсионерларыбызга рәхмәтләрен белдерделәр.