ЯҢАЛЫКЛАР
Өстәл теннисы буенча Татарстан Республикасы Чемпионатына уңышлы старт бирелде. Казанда 2026 елның 2 апрелендә Татарстан Республикасы чемпионаты старт алды.Команда разряды.Ир-атлар арасында Исмаилов Хайем,Галанов Павел,Вәлимөхәммәтов Гадел,Вәлиуллин Әлфис һәм хатын-кызлар арасында: Исмаилова Динара, Шиһапова Камилла,Ищенко Екатерина,Гайнуллина Алиса бронза медальгә ия булды.3 апрельдә ялгыз,парлы һәм парлы катнаш разрядлар старт ала.Сабалыларга уңышлар телик.
Язлы Арташ авыл клубында интернациональ бурычын үтәгәндә һәлак булган сугышчы-интернационалист Ф.Шәйдуллинга багышланган почмак эшләп килә.
2 апрель көнне Килдебәк мәктәбе укучылары. Корбанова Л.Тҗитәкчелегендә Сугышчан дан почмагында булдылар. Әлеге экскурсия балаларны берләштерергә, аларның хәрби-патриотик тәрбия турындагы белемнәрен баетырга ярдәм итте. Экскурсия барышында балалар сугыш вакыйгалары турында күп мәгълүмат алдылар, Ф.Шәйдуллинның шәхси әйберләре, бүләкләре, хатлары, хәрби киемнәре белән таныштылар. Сугышчы-интернационалистның сеңлесе Гайнуллина Дулкыния гаилә архивыннан фотолар, хезмәттәшләренең хатларын күрсәтте, укучыларның сорауларына җавап бирде.
Укучылар Әфганстандагы сугыш вакытында солдатларның батырлыклары өчен горурлану хисләре кичерделәр.
Мондый экскурсияләр-тарих дәресе, аны һәр яшь кеше өйрәнергә тиеш.
Ш.З.Зиннуров исемендәге Сатыш мәктәбендә 3 чирек йомгаклары буенча ата-аналар җыелышы узды. Ата-аналар җыелышында Сатыш авыл җирлеге башлыгы Шәфигуллин Ф. Ф., мәктәп директоры вазыйфаларын башкаручы Хәсәнова М. Р., тәрбия эшләре буенча директор урынбасары Гыйләҗиева А. Ф. чыгыш ясадылар.
3.04.2026 елда Татарстан Республикасы Саба муниципаль районы Башкарма комитетының актлар залында Саба муниципаль районы Советының "2025 елда Саба муниципаль районы бюджетының үтәлеше турында"карары проекты буенча ачык тыңлаулар узачак.
Үткәрү урыны: ТР, Саба районы, пгт.Байлар Сабасы, г. Закиров ур., 52 нче йорт
Үткәрү вакыты: 8: 00
2026 елның 1 маеннан гражданнарны социаль хезмәт күрсәтүгә мохтаҗ дип тану һәм социаль хезмәтләр күрсәтүнең индивидуаль программасын төзү вәкаләтләре «Республика матди ярдәм (компенсация түләүләре) үзәге» (алда — Үзәк) ДКУга тапшырылды.
Канау торак биналардан һәм башка мөһим объектлардан артык су агызу өчен казылырга мөмкин. Бу йортларны су басудан саклап калырга һәм су күтәрелүдән килгән зыянны киметергә ярдәм итә.
Мондый чаралар бигрәк тә елгалар, күлләр яисә су басу ихтималы булган башка сулыклар янында урнашкан районнарда актуаль. Нәтиҗәле дренаж системасын булдыру халык һәм инфраструктура өчен куркынычларны киметергә мөмкинлек бирә.
Канаулар казу кебек саклау чаралары торак пунктларның иминлеген тәэмин итү эшенең мөһим өлеше булып тора. Алар йортларны һәм халыкның мөлкәтен саклап калырга, шулай ук су күтәрелүнең тискәре нәтиҗәләрен булдырмаска ярдәм итә. Шуңа Күрә Төбәк авылында мондый чаралар күрелде
Төбәк авыл клубында Саба районы мәдәният хезмәткәрләре өчен семинар узды. Бу чара тәҗрибә уртаклашу һәм мәдәният өлкәсендәге актуаль мәсьәләләр буенча фикер алышу мәйданчыгына әверелде.
Семинарга районның төрле мәдәният учреждениеләреннән белгечләр җыелды, алар үзләренең белемнәре һәм идеяләре белән уртаклаша алдылар. Мондый очрашулар районда һөнәри дәрәҗәне күтәрүгә һәм мәдәни тормышны үстерүгә ярдәм итә.
"Советлар Союзы Герое Илдар Маннанов исемендәге 82 нче кадет мәктәбе" дәүләт бюджет гомуми белем бирү учреждениесе базасында "батырлыкка яшәргә» Республика фәнни-гамәли конференциясе узды.
Татарстан Республикасы территориясендә метеорологик күренешләрнең интенсивлыгы турында Консультация-кисәтү