ЯҢАЛЫКЛАР

Табигатьне саклау - һәр кешенең изге бурычы. Чөнки кешенең тормышы табигать белән бәйләнгән. Әгәр кешеләр һаваны, суны агулап, урманны корытып бетерәләр икән, димәк кеше үз - үзен юк итә дигән сүз. Чөнки аңа яшәр өчен җирлек калмый. Шуңа күрә өлкәннәрнең бурычы - табигатьне саклау гына түгел, аны яклау, аңа ярдәм итү. Балаларга да кече яшьтән шушы язылмаган кагыйдәләрне аңлатырга, үзебезнең эш-гамәлләребез аша күрсәтергә кирәк. Шул максатттан Сатыш авылы мәдрәсә музеенда “Кояшкай” балалар бакчасына йөрүче балалар өчен “Серле табигать” дип исемләнгән экологик сәгать үткәрелде. Балалар файдалы үләннәр һәм безнең якта үсүче һәм яшәүче тереклек белән таныштылар. Табигатьтә үз - үзеңне тоту кагыйдәләрен искә төшерделәр.

Безнең төбәк табигате үзенең гүзәллеге һәм гаҗәеп матурлыгы белән сокландыра. Бездә карап сокланырлык бар нәрсә дә бар. Безнең як - Чишмә ягы. Чишмәләр чыннан да табигатебезнең тылсымлы ачкычлары. Район китапханәсе хезмәткәрләре «Өлкәннәр» клубы катнашучылары өчен «Чиста чишмә» дигән исем астында экологик сәгать үткәрделәр.

Кешеләрнең тормышы һәрвакыт үсемлекләр дөньясы белән тыгыз бәйләнгән. Борынгы заманнардан ук кеше үсемлекләрне ризык итеп кулланган, алардан кием, кораллар ясаган, торак төзү өчен кулланган, алардан буяулар, дарулар һ.б. алган. Үсемлекләр дөньясы матур һәм төрле. Чираттагы экологик чара "Ак калфак"хатын-кызлар клубы әгъзалары һәм балалар өчен Олы Кибәче авыл китапханәсендә узды. Төп бурыч-табигатьтә туган якның дару үсемлекләрен тану һәм җыю. Үсемлекләр патшалыгына чумып, клуб әгъзалары Ромашка, меңъяфрак, гөлбадран,ромашка,  һәм үги ана яфрагы һәм башка дару үләннәренең файдалы үзлекләре, шулай ук аларны җыю кагыйдәләре белән танышалар.Алар нинди авыруларда ярдәм итүләрен, кеше организмы сәламәтлеге өчен нинди зур кыйммәткә ия булуын белделәр.

Әдәби сәгать, "Җәйге китабханә 2024" , Саба районы балалар китапханәсе проекты« Әдәби алан» үз эшен дәвам итә. «Җәйге китапханә 2024» проекты кысаларында,  Олы Нырты авыл китапханәсе Чабья Чурчинский СК (бирү пункты) белән берлектә "Җәйге китапханәдә - 2024 "әдәби сәгате үткәрделәр. Чара барышында балалар бөек татар шагыйре Г.Тукайның тормышы һәм иҗаты белән таныштылар. Аның «Туган авыл» шигырен, «Бәхет» дигән хикәясен укыдык һәм «Җәйге китабханә»проектының биремнәрен үтәдек.

Яңалыкларны яратмаган кеше бармы? Әлбәттә, юк. Без барыбыз да бик кызыксынабыз. Безне кызыксындырган барлык яңалыклар турында газета-журналлар сөйли.  Шәмәрдән балалар китапханәсендә «Дөньядагы бар нәрсә турында журнал һәм газетада» вакытлы матбугат көне узды. Бу көнгә шул ук исемдәге күргәзмә оештырылды.  Күргәзмә өчен вакытлы матбугат төрле яшь категорияләрендәге кулланучыларның укучылар ихтыяҗларыннан һәм мәнфәгатьләреннән чыгып сайланды.

8 июльдә Гаилә, мәхәббәт һәм тугрылык көнендә Саба район китапханәсе "Гаилә белән китапханәгә" проекты кысаларында “Ямьле Саба» яр буенда районыбызның актив  гаиләләре өчен квест-уен үткәрде. Квест Ә. Кәримуллин исемендәге үзәк китапханәдән башлана, кунаклар биремнәрне үтәп, яр буена төштеләр, чишмәләр тарихы белән таныштылар. Зур серле күперне кунаклар әкият викторинасы сорауларына җавап табып, тиз генә үтеп киттеләр. Яр буена килеп җиткәч, алар маршрутны дәвам итеп, айдан төшкән Зөһрә һәм Су кызы белән татар халык уеннары уйнадылар. Аннары катнашучылар Убырлы карчык белән очраштылар, Саба яр буенда үсүче дару үләннәре турындагы сорауларга җаваплар тиз арада  табылды. Ахыргы ноктага таба барганда, пират шулай ук балаларны үз биремнәре белән тикшерә. Соңгы ноктада Тылсымчы кыз кунакларны каршы ала һәм "Табышлар бюросы"уенын уйный. Кунаклар актив җавап бирделәр һәм үзләренең осталыкларын күрсәттеләр. Чара флешмоб һәм дискотека белән тәмамлана.

2008 елдан безнең илдә 8 июльдә искиткеч бәйрәм-Гаилә, мәхәббәт һәм тугрылык көне билгеләп үтелә. Бу бәйрәмнең рәсми чәчәк символы ромашка, ул чисталыкны һәм мәхәббәтне символлаштыра. шушы көн уңаеннан 8 июльдә Олы Нырты авыл китапханәсе мөдире ЧабьяЧурчи авыл клубы белән берлектә ромашкадан венок ясау буенча «Ромашкалы бәхет» мастер - класс үткәрделәр . Чара барышында китапханәче катнашучыларга рус тарихының ерак вакыйгаларын искә төшерде. Бу изгеләр гаилә бәхете, мәхәббәт һәм тугрылыкның яклаучылары булып санала, ә аларның никах берлеге христиан никахының үрнәге булып тора. Бәйрәм көнендә ромашкадан веноклар үреп, ромашка чәчәк бәйләмнәре һәм февроньки ромашкалар яки гаиләнең башка символлары сурәтләнгән открыткалар бүләк итәләр. Чараны болыннарда ромашкалар җыю белән дәвам иттеләр һәм балалар белән бергә ромашкалардан веноклар үрергә өйрәнделәр. Чара ахырында барлык катнашучылар призлар алды.

 “Ямьле Саба» яр буенда Саба район китапханәсе хезмәткәрләре «Шатлык» балалар бакчасы балаларына “Җәйге китапханә-2024” туристик квест чарасын үткәрделәр. Квест Ә.Каримуллин исемендәге үзәк китапханәдән башланып китте, балалар кызыклы  биремнәрне үтәп яр буена төштеләр, чишмәләр тарихы белән танышу белән үрелеп барды. Зур серле күперне, балалар әкияти викторина сорауларына җавап табып, бик тиз генә уздылар. Яр буенда Зөһрә кызга ярдәм итеп, Су кызы белән татар халык уеннарын уйнап, маршрутны дәвам иттеләр. Убырлы карчыкларга да балалар сынатмадылар, файдалы үләннәрне табып, бик тиз җавап бирделәр. Инде соңгы ноктага юл тотканда, пират та үзенең биремнәре белән балаларны тикшереп карады. Соңгы ноктада тылсым кызы балаларны каршы алып, “Бу кайсы әкияттән” уенын уйнатты. Балалар сынатмадылар, актив җавап биреп үз белемнәрен, осталыкларын күрсәттеләр. Чара флешмоб һәм дискотека белән тәмамланды.

Шәмәрдән балалар китапханәсе мөдире «Сэйлэн» клубы әгъзалары – Шәмәрдәннең “Салават купере” балалар бакчасы тәрбияләнүчеләре өчен Гаилә, мәхәббәт һәм тугрылык көненә багышланган «Бергә булу бәхете» акциясен үткәрде.

Мәктәпкәчә яшьтәге балалар дуслык һәм гаилә темасы белән бәйле сорауларга җавап бирделәр, бу бәйрәмнең тарихын белделәр, күргәзмәдә тәкъдим ителгән китаплар белән таныштылар.

4 июльдә Юлбат мәдәният йорты һәм китапханә хезмәткәрләре яшь укучылар өчен "Игътибар! Яңа китаплар!» дип исемләнгән әңгәмә үткәреп, балаларга яңа әдәбият турында сөйләделәр, мавыктыргыч басмалар тәкъдим иттеләр.