ЯҢАЛЫКЛАР

19 июньдә Юлбат мәдәният йорты һәм китапханә хезмәткәрләре кәгазьдән күгәрченнәр ясау буенча мастер-класс үткәрделәр. Күгәрчен тынычлык символы, сугышларга һәм көч куллануга каршы көрәш символы.

Юлбат мәдәният йорты һәм китапханә мөдирләре фельдшер ярдәмчесе белән берлектә сәламәтлек сәгате үткәрделәр. Чара башында фельдшер ярдәмчесе файдалы киңәшләр белән уртаклашты, җәйге эссе көннәрдә сәламәтлекне ныгыту өчен иң нәтиҗәле халык чаралары турында сөйләде һәм балаларның барлык сорауларына җавап бирде.

 Юл-транспорт һәлакәтләрен профилактикалау максатыннан, 15 июньдә Юлбат мәдәният йорты һәм китапханә мөдирләре «Хыял» мәктәп яны лагере балалары өчен «Юл куркынычсызлыгы әлифбасы» дигән әңгәмә үткәрделәр.

 14 июньдә Юлбат мәдәният йорты һәм китапханә хезмәткәрләре “Каникулда яңа китаплар" дип исемләнгән мәгълүмат сәгате үткәрделәр. Балалар китапханә фондына кергән яңа китаплар һәм күргәзмә белән таныштылар.

Юлбат мәдәният йорты һәм китапханә хезмәткәрләре "12 июнь - Россия көне" дип исемләнгән мәгълүмати - патриотик сәгать үткәрделәр.

9 июнь көнне Юлбат авылында традицион Сабантуй - 2024 булып узды. Бәйрәм балаларның хореографик чыгышы белән башланып китте. Котлаулардан соң бәйрәмнең спорт программасы башланды. Спорт ярышлары бик җанлы темпта үтте. Көне буе сәүдә ноктасы эшләде, күңелле музыка яңгырады. Бу көнне төрле ярышлар һәм уеннар үткәрелде. Авыл халкы, кунаклар уеннарда актив катнаштылар. Сабантуйның иң мөһим ярышы-милли көрәш. Сабантуйның абсолют батыры булып Тәфкил Шәйхетдинов калды. Абсолют батырга традиция буенча тәкә бүләк ителде. Барлык җиңүчеләргә дә кыйммәтле бүләкләр тапшырылды.

29 май көнне Юлбат төп мәктәбенең «Бергә  булу зур бәхет...” дип исемләнгән иҗат-отчет концерты булды.

1 июнь көнне Юлбат, Тенеки, Йосыф-Алан, Калатау  авылларында Сабантуйга бирнә җыю оештырылды.

24 майда славян язуы һәм мәдәнияте көне үз чорының иң белемле кешеләре, бертуган Кирилл һәм Мефодий тарафыннан славян әлифбасын булдыру истәлегенә билгеләп үтелә. Юлбат мәдәният йорты һәм авыл китапханәсе хезмәткәрләре яшь укучылар өчен «Сүзләр кайдан килде» дигән танып белү сәгате үткәрделәр. Балаларга китапның һәм славян алфавитының барлыкка килү тарихын сөйләделәр. Чара ахырында «Славян язуын булдыручылар – Кирилл һәм Мефодий» турында презентация күрсәтелде.

 24 майда Юлбат төп гомуми белем бирү мәктәбендә "Соңгы кыңгырау" бәйрәме узды. Чыгарылыш сыйныф укучыларын бу истәлекле көн белән Саба фл ФБУЗ "ТРда Гигиена һәм эпидем үзәге" җитәкчесе Исмәгыйлев Илдус Шәрифулла улы, Юлбат авыл җирлеге башлыгы Шәмсиев Талип Рәшит улы котладылар.