ЯҢАЛЫКЛАР

 "Әниләр көне" уңаеннан Урта Нырты авыл клубында  "Тормышның барлык төсләре сезнең өчен"дип исемләнгән музыкаль кичә үткәрелде.

Урта Нырты авылында клуб бинасы ачылды. Ул 50 урынга исәпләнгән. Төзелешне Саба Мелиорация оешмасы алып барды.

    25 ноябрь көнне шушы уңайдан Олы Нырты балалар бакчасында “Әнием, кадерлем!” дип исемләнгән бәйрәм кичәсе оештырылды. Бакчада тәрбияләнүче балалар үзләренең матур шигырьләрен, җырларын, биюләрен әниләренә бүләк иттеләр. 

    Россия-күпмилләтле ил, аның һәркайсы үз сәнгате, гореф-гадәтләре белән бай. Россия халыкларының халык сәнгате һәм матди булмаган мәдәни мирасы елы кысаларында,  Олы Нырты җирлеге мәдәният  хезмәткәрләре балаларда толерантлык, кызыксыну һәм башка милли мәдәниятләргә хөрмәт, төрле милләт кешеләре белән дуслык һәм бердәмлек хисе булдыру максатыннан «Без күпмилләтле төбәктә яшәүчеләр» дип аталган мәгълүмат сәгате үткәрделәр. 

   Олы Нырты җирлеге мәдәният хезмәткәрләре Алмаз мозаикасы буенча мастер - класс оештырдылар һәм үткәрделәр. Мастер-класска күп еллар шушы эш  белән шөгыльләнүче Гаффарова Мөнәвәрә Минһаҗ кызы чакырылган иде. 

Олы Нырты авыл мәдәният йортында демобилизацияләнгән солдатлар катнашында Татарстан Республикасы Конституциясе көненә багышланган чара үткәрелде.

Олы Нырты мәдәният йортында Олы Нырты авыл җирлеге мәдәният  хезмәткәрләре әзерләгән «Россия - Ватан, бердәмлек» дип исемләнгән бәйрәм концерты булып узды. Бәйрәм программасында тамашачылар үзешчән сәнгатьнең иң матур концерт номерларын күрделәр. Сәхнәдән Ватан, Россия, мәхәббәт турында җырлар яңгырады. 

  Сәламәт яшәү рәвешен пропагандалау максатыннан, Олы Нырты ФАПы белән берлектә - “Сак бул!” дигән исем астында укучылар өчен профилактик чара үткәрделәр. Фельдшер Арикеева Р.С. яшүсмерләрнең яшь организмына наркотик матдәләр куллану никадәр зарарлы йогынты ясавын һәм өлкәннәргә – тәмәке тарту, алкоголь куллану, наркотиклар куллану теләгенең аяныч нәтиҗәләргә китерүе турында сөйләде.

    Олы Нырты җирлеге мәдәният  хезмәткәрләре көзге бал – «Көзге сөйкемлелек» бәйрәмен оештырдылар һәм үткәрделәр.”Сөмбелә кызы” үзе балалар белән очрашуны бәйрәм итә. Клуб фойесында Көзге тематикага рәсем күргәзмәсе һәм «Көзге яшелчәләр парады»күргәзмәсе оештырылды. «Көзнең якты төсләре»уен программасы үткәрелде. 

  Коррупциягә каршы программаны гамәлгә ашыру кысаларында Олы Нырты җирлеге мәдәният  хезмәткәрләре мәктәп укучылары өчен«Балачактан коррупциясез»дигән темага профилактик сәгать үткәрделәр.