ЯҢАЛЫКЛАР
Гаилә-һәр кешенең тормышында иң кадерлесе , иң мөһиме. Алар якын һәм туган кешеләр, без яраткан, үрнәк алган, кайгырткан, игелек һәм бәхет теләгән кешеләр.
Гаилә елы кысаларында Олы Нырты авыл китапханәсе мөдире, Чабья Чурчи авыл клубы мөдире һәм Урта Нырты авыл клубы мөдире белән берлектә, күп балалы Зиатдинова Оляның гаиләсендә кунакта булдылар.
Чәбия-Чурчи авыл клубында, Олы Нырты авыл китапханәсе белән берлектә, изге Рамазан аенда Ифтар ашы узды. Ифтарга Олы Нырты мәчете имамы Мансур хәзрәт һәм мәдәният бүлеге җитәкчесе Заһидуллин Рөстәм Фидаил улы чакырылды. Хәзрәт мөселман гаиләсендә үзара аңлашуның мөһимлеге, Аллаһы алдындагы бурычларыбыз турында сөйләде. Шулай ук ул әхлак, рухи чистарту, мөселман тәгълиматларын дөрес аңлау мәсьәләләренә кагылды һәм традицион кыйммәтләр турында сөйләде, залда җыелган барлык мөселманнарны тормышта күбрәк игелек һәм матурлык күрергә, булганнары белән канәгать булырга өйрәнергә чакырды. Ифтарны оештырган һәм үткәргән өчен спонсорыбыз Аглямов Маратка рәхмәт белдерәбез.
Олы Нырта мәдәният йортында Рамазан аена багышланган "Иман нуры иңсен күңелләргә" ифтар ашы уздырылды. Абыстай мөселман гаиләсендә үзара аңлашуның мөһимлеге, Аллаһы алдындагы бурычларыбыз турында сөйләде. Шулай ук ул әхлак, рухи чистарту, мөселман тәгълиматларын дөрес аңлау мәсьәләләренә кагылды һәм традицион кыйммәтләр турында сөйләде, залда җыелган барлык мөселманнарны тормышта күбрәк игелек һәм матурлык күрергә, булганнары белән канәгать булырга өйрәнергә чакырды.
Олы Нырты мәдәният йорты хезмәткәрләре балалар өчен «Саба ягы-нурлы як» экскурсиясен оештырдылар. Без Явлаштау авылында «Чәйнекләрдә авыл тарихы» музеенда булдык. Мишәбаш мәдәният йортында танып белү мультикларын карадык. Безнең юл искиткеч кыңгыраулар музеена дәвам итте, анда төрле кыңгыраулар, барабаннар, ботало һәм чиркәү кыңгыраулары коллекциясе тәкъдим ителә, аларның һәрберсенең үз яңгырашы бар.
Чәбия-Чурчи авыл клубында, Олы Нырты авыл китапханәсе белән берлектә, «Яз килә, Нәүрүз килә!» дип исемләнгән яз бәйрәме үткәрелде. Бәйрәмгә кунакка Кыш бабай һәм Нәурузбикә дә чакырылган иде. Нәүрүзбикә белән Кыш бабай көч сынашырга булдылар.
Олы Нырты авыл мәчетендә Рамазан аена багышланган « Әдәп барда иман бар» дип атаган ифтар ашы уздырылды. Имам Мансур абый мөселман гаиләсендә үзара аңлашуның мөһимлеге, Аллаһ алдындагы бурычларыбыз турында сөйләде. Шулай ук ул әхлак, рухи чистарту, мөселман тәгълиматларын дөрес аңлау мәсьәләләренә кагылды һәм традицион кыйммәтләр турында сөйләде, мәчеткә җыелган барлык мөселманнарны тормышта күбрәк игелек һәм матурлык күрергә, булганнары белән канәгать булырга өйрәнергә чакырды.
Олы Нырты мәдәният йортында «Прогресс турында уйлану» дигән исем астында фән сәгате уздырылды. Чара барышында балалар фән тарихы һәм фән һәм техника үсешенә Россиянең танылган галимнәре М.В. Ломоносов, Д.И. Менделеев, А.С.Попов,С.П.Королевның фәнни казанышлары белән таныштылар.
Урта Нырты авыл клубында үзешчән сәнгатьтә катнашучылар тарафыннан Халыкара хатын-кызлар көненә багышланган "Мимоза исе белән бәйрәм" бәйрәм концерты оештырылды. Концерт программасы җырлар, күңелгә үтеп керерлек шигырьләр, халык һәм заманча биюләр белән озата бара. Тамашачылар үзешчән артистларның чыгышын җылы кабул иттеләр.
Халыкара хатын-кызлар көне уңаеннан Олы Нырты мәдәният йорты хезмәткәрләре сөйкемле ханымнар өчен күңел ачу программасы үткәрделәр. Авылдаш хатын – кызлар, йорт учагын саклаучылар, хатын – кызның төп максаты-әни булу турында күп сөйләделәр. Мәдәният йорты хезмәткәрләре әзерләгән кызыклы музыкаль-уен программасы сөйкемле хатын-кызлар өчен күңелле сюрприз булды.
Олы Нырты мәдәният йортында Ватанны саклаучылар көненә багышланган «Яшь сугышчы »дигән исем астында конкурслар белән уен программасы узды. Чара балаларның мәдәни ялын оештыру; хәрәкәт күнекмәләрен үстерү: көч, җитезлек, тизлек, хәрәкәтләрне координацияләү; балаларның командада бергәләп эшләү осталыгын үстерү максатыннан үткәрелде.