ЯҢАЛЫКЛАР
25 июнь көнне Мичәнбаш авылы мәйданында Авыл көне бәйрәме узды. Бу бәйрәмнең иганәчесе һәм оештыручысы-Мичәнбаш авыл клубы һәм авыл халкы. Бәйрәм прологтан, кунакларны ипи һәм чәк-чәк белән каршы алудан башланды. Котлау сүзләре белән авыл җирлеге башлыгы А. Н.Гәрәев, Мичәнбаш мәчете имам - хатыйбы Р. Г. Газизов чыгыш ясады. Күркәм традиция буенча мәйданга Авыл пенсионерларын, яшь гаиләләрне чакырдылар һәм истәлекле бүләкләр тапшырдылар. Программаның күңел ачу өлешенә төрле уеннар, җырлар һәм биюләр керде. Балалар өчен призлар белән конкурслар, батутлар бар иде. Барлык кунаклар һәм авыл халкы куңелле итеп бәйрәм итте.
19 июнь көнне Мичәнбаш авыл клубы, татар халкының милли гореф-гадәтләренә таянып, авыл көнен үткәрү өчен бүләк җыю оештырды. Көйле тавыш гармунчы барысын да бәйрәмгә күңелле әзерлеккә чакырды. Чарада авыл халкы, үзешчән сәнгать сөючеләр катнашты.
22 июнь көнне Шәмәрдән авыл җирлегендә хәтер һәм кайгы көненә багышланган "Мәңгелек сүнми торган..." дип исемләнгән чара үткәрелде. Җирдә тынычлык һәм бәхет өчен көрәштә, тормышыбыз өчен көрәштә үз гомерләрен биргәннәрне бер минут тынлык белән искә алдылар. Чара ахырында стелла янына чәчәкләр салдылар, шәмнәр кабыздылар.
22 июнь көнне иртәнге сәгать 4тә Шәмәрдән авыл җирлеге оешмалары һәм учреждениеләре җитәкчеләре «Хәтер шәме» акциясендә актив катнаштылар. Бер минут тынлык белән искә алдылар һәм стелла янында чәчәкләр куйдылар.
Шәмәрдән авыл җирлегенең Кырбаш авылында Троица бәйрәмен билгеләп үттеләр. Троица-православие календареның иң мөһим бәйрәмнәреннән берсе. Изге рухлы көн, яки рухлы көн — Изге Христосның иллеенче көне. Халыкара Яшел якшәмбе диптә әйтәләр бу бәйрәмне, чөнки йортлар һәм храмнарны яшел үлән һәм чәчәкләр белән бизиләр.
12 июнь көнне Шәмәрдән авылында халкыбызның милли бәйрәме Сабантуй узды. Рәсми өлештә котлау сүзләре белән Саба муниципаль районы Башкарма комитеты җитәкчесе М.Р.Ишниязов, авыл җирлеге башлыгы А. Н. Гәрәев чыгыш ясадылар. Матур традиция буенча төрле конкурсларда һәм ярышларда җиңүчеләр билгеләнде һәм бүләкләнде. Сабантуй кысаларында төрле спорт һәм халык уеннары үткәрелде. Бәйрәм барышында мәдәният хезмәткәрләре, Шәмәрдән мәдәният йорты каршындагы үзешчән сәнгатьтә катнашучылар һәм Казан шәһәреннән чакырылган кунаклар башкаруында җырлар яңгырады.
Шәмәрдән авыл җирлегендә Сабантуй бәйрәменә әзерлек эшләре бара. Бәйрәмнең бер өлеше булып "Бирнә" җыю тора. Шәмәрдән авыл җирлеге предприятиеләре һәм оешмалары бүләкләр җыюда актив катнашалар . Халык аларны шатланып каршы ала, бүләкләр өләшә һәм балаларны татлы ризыклар белән сыйлый.
24 нче май көнне Шәмәрдән лицеенда соңгы кыңгырау чыңлады. Чыгарылыш сыйныф укучыларына имтиханнарында һәм киләчәк тормышларында уңышлар һәм бәхет телибез!
Шәмәрдән авыл җирлегендә урам-юл челтәренең 946 799 сумлык асфальт-бетон катламын чокырлар ремонтлау эшләре башланды. Эшләрне "Районара юл - төзелеш идарәсе-1" ҖЧҖ алып бара.
Шәмәрдән авыл җирлегендә сугыш ветераннарының тол хатыннарын якынлашып килүче Җиңү көне белән котладылар.Толларга Татарстан Республикасы Президенты исеменнән котлау открыткалары һәм бүләкләр тапшырылды.