ЯҢАЛЫКЛАР
Казан шәһәрендә үткәрелгән Сабантуйларда Югары Симет авылы яшь көрәшчеләре зур уңышка иреште. Тынычлык бистәсендә узган милли бәйрәмдә Ахмадуллин Булат 80 кг үлчәүдә батыр калды. Дәрвишләр бистәсендә оештырылган Сабантуйда Ибрагимов Илшат авыр улчәүдә җидүче булды. Тренерлары Закиров Дилюс Ридаилович. Афәрин , егетләр!
«Хәтер шәме» акциясе беренче чиратта Бөек Ватан сугышы вакыйгалары, бу көнне миллионлаган кешенең гомерен өзгән иң куркыныч сугыш башлануы турында истәлекне саклауга юнәлдерелгән. 21 июньдә Югары Симет авылы халкы «Хәтер шәме» Бөтенроссия акциясендә катнаштылар. Хәтер һәм кайгы көнендә без Бөек Ватан сугышы елларында һәлак булган, җәфаланган, ачлыктан үлгән барлык кешеләрне искә алабыз.
15 июнь көнне Югары Симет авылы зиратында өмә узды. Шушы эштә катнашучыларга зур рәхмәтебезне җиткерәбез.
9 июнь көнне җирлегебездә шаулап – гөрләп Сабантуй бәйрәме узды. Бәйрәм елда күркәм гадәткә кергән иң тырыш , иң уңган хезмәтчәннәрне хөрмәтләү белән башланып китте. Мәйдан уртасына бүләкләр тапшыру өчен кыр батырлары, хезмәт алдынгылары чакырылды. Тантаналы өлештән соң мәдәни-спорт чаралары башланып китте. Быел көрәш батыры булып Югары Симет авылы егете Закиров Данис калды.
Җирлегебез көрәшчеләре һәм ир-егетләр волейбол командасы район Сабантуенда уңышлы чыгыш ясадылар.
Хайретдинов Дилюс, 30кг 1 урын;
Фатихов Румиль, 43кг 2урын;
МиннуллинтШамиль, 50кг 2урын;
Ахмадуллин Инсаф, 60кг 4урын;
Шакиров Рузаль, 65кг 4 урын;
Ахмадуллин Булат, 70кг 1урын;
Ибрагимов Ильшат, св75кг, 2урын;
Закиров Данис, св115кг, 2урын;
Закиров Дилюс, 115кг, 2урын;
Ир-егетләр волейбол командасы, 1урын.
Су буйларын, чишмә кырыйларын чистарту акциясе дәвам итә. Югары Симет урта мәктәбе укучылары җәйге ял вакытында “Сабантуй” чишмәсе биләмәсен үләннәрен чаптылар.
Югары Симет урта мәктәбендә башлангыч класслар өчен җәйге лагерь эшли башлады. Укучылар экскурсияләргә баралар, төрле спорт уеннары белән сәламәтлекләрен ныгыталар. Исхакова Альбина Раифовна укучылар өчен сулыкларда, юлда йөргәндә үз үзеңне тоту кагыйдәләре белән таныштырды.
Югары Симет мәдәният йорты һәм Түбән Симет авыл клубы хезмәткәрләре авыл яшьләре белән берлектә «Сабантуй» милли бәйрәменә бирнә җыюны оештырдылар. Чара күңелле, бәйрәм кәефе белән үтте. Авылның барлык халкы актив катнашты.
Сабантуй бәйрәме алдыннан Түбән Симет авыл клубы хезмәткәрләре борынгы татар йоласын Сабантуйга “Бирнә җыю” үткәрделәр. Авылларда бүләкләр җыю бәйрәм башланырга бер атна кала башлана. Авыл халкы яулык, сөлге, тукыма кисәкләре бүләк итә. Алынган бүләкләр Сабантуйда уздырыла торган ярышларда тапшырылачак.
Югары Симет урта мәктәбе укучыларына авыл хуҗалыгы өлкәсендә экскурсияләр оештырылды. “Симет” һәм Чулпыч авылы кырыенда урнашкан “ПМК” хуҗалыкларында булып, эш тәртибе белән таныштылар, фермаларны, амбарларны карап чыктылар.