ЯҢАЛЫКЛАР
Югары Симет авылында Җиңү көненә багышланган митинг булып узды. Чарага тыл ветераннары, сугыш чоры балалары чакырылган иде. Алар каршында Югары Симет урта мәктәбе укучылары чыгыш ясады. Ахырдан обелискка чәчәкләр салынды. Авылдан сугышка 145 кеше китә, шуның 94 сугыш кырларында һәлак була, 51 генә исән кайта.
8 май көнне Түбән Симет авылында Бөек Җиңүнең 81 еллыгына багышланган митинг булып узды. Обелискка чәчәкләр салынды. Авылдан сугышка 98 кеше китә, 63 сугыш кырларында һәлак була, 35 генә туган ягына әйләнеп кайта.
Бөек Ватан сугышында Җиңүнең 81 еллыгы бәйрәме уңаеннан Югары Симет авыл җирлегендә тыл ветераннарын котладылар. Саба районы финанс-бюджет палатасы рәисе Сөнгатов Ш.А., Югары Симет авыл җирлеге башлыгы Ахмадуллин И.Р. Югары Симет урта мәктәбе укучылары Саба муниципаль районы башлыгы Миннеханов Р.Н. исеменнән бүләкләр һәм котлау открыткалары тапшырдылар.
Югары Симет авыл җирлегендә Бөек Ватан сугышында Җиңүнең 81 еллыгы алдыннан "Георгий тасмасы" патриотик акциясе узды. Бу акциядә мәктәп укучылары һәм сугыш ветераннарының туганнары катнашты.
4 май көнне Югары Симет мәдәният йортында китапханә белән берлектә Яз һәм Хезмәт бәйрәменә багышланган бәйрәм концерты булды.
Югары Симет мәдәният йорты хезмәткәрләре Югары Симет урта мәктәбе белән берлектә бөек татар шагыйре Габдулла Тукайның тууына 140 ел тулуга багышланган «Тукай шигырьләре» дигән шигъри сәгать үткәрделәр.
Югары Симет урта мәктәбе укучылары «Үз агачыңны утырт» дигән экологик акция оештырдылар.
Югары Симет урта мәктәбендә укучылар һәм укытучылар «Эко-яз» дип исемләнгән акция оештырдылар. Акция мәктәп укучылары арасында экологик культура формалаштыруга, табигатькә сакчыл караш тәрбияләүгә юнәлдерелгән. «Эко-яз» акциясе укучыларны экологик тәрбияләү процессында мөһим этап булды. Бу чара балаларга әйләнә-тирә мохитне саклауның мөһимлеген яхшырак аңларга һәм үсемлекләрне карауның гамәли күнекмәләрен үстерергә ярдәм итә. Чәчәкләр утырту табигать алдында җаваплылык тойгысын үстерергә ярдәм итә һәм укучыларны әйләнә-тирә дөньяның матурлыгын бәяләргә өйрәтә.
Бөек Ватан сугышында Җиңүнең 81 еллыгы бәйрәме уңаеннан Югары Симет авыл җирлегендә тыл ветераннарын котладылар. Югары Симет авыл җирлеге башлыгы Ахмадуллин И.Р., Югары Симет урта мәктәбе укучылары Татарстан Республикасы Рәисе Миннеханов Рөстәм Нургали улы исеменнән бүләкләр һәм котлау открыткалары тапшырдылар.
Ир-егетләр арасында Саба муниципаль районы буенча үткәрелүче волейбол ярышында Югары Симет авыл җирлеге командасы матур уен күрсәтеп 1 нче урынны яулады. Җиңүләре белән котлыйбыз һәм алга таба да уңышлар телибез.