ЯҢАЛЫКЛАР
14 июньдә Саба муниципаль районы Олы Шыңар авыл җирлегенең административ бинасында ТР Дәүләт алкоголь инспекциясенең Арча территориаль органы башлыгы Кадыйров Булат Илдар улы гражданнарны кабул итте.
Россиядә Гаилә елына багышланган «Гаилә-ил терәге» конкурсында Олы Шыңар авыл җирлегендә яшәүче иҗади гаиләләр катнашты. Садыйковлар һәм Нәбиуллиннар гаиләләре төрле турларда ярыштылар - гаиләнең визит карточкасы, баланы биләү, токмач кисү, интеллектуаль тур һәм иҗади чыгыш. Иҗади турда гаиләләр концерт номерлары белән чыгыш ясадылар. Барлык җиңүчеләргә акчалата бүләкләр тапшырылды.
12 июньдә Кече Шыңар мәдәният йортында Россия көненә багышланган "Кече Ватанымнан Россия башлана" дигән мәгълүмат сәгате узды.
Олы Шыңар спортчылары район Сабантуенда «Көрәш» буенча ярышларда актив катнаштылар. Зиннәтов Илмир 30 кг авырлыкта 3 нче урынны, Минһаҗев Бәхтияр 43 кг авырлыкта 4 нче урынны алды. Варламов Артем 75 кг һәм аннан да югарырак авырлыкта 1 нче урынны алды һәм яшүсмерләр арасында абсолют батыр булды. Ахунҗанов Рифат 115 кг авырлык категориясендә 1 урынны, Зарипов Нияз 95 кг авырлык категориясендә 2 урынны алды. Ветераннар арасындагы ярышларда 1 урынны Нәбиуллин Илсур, 3 урынны Шәймәрданов Фәрит алды.
9 июнь көнне ямьле Мишә буенда Олы Шыңар, Кече Шыңар, Оет, Чулпыч, Түлешкә авыллары халкы зурлап Сабантуй бәйрәме уздырды.2024 елгы яз кыр эшләре нәтиҗәләре буенча “Кыр батыры” исеме “Туган як” җәмгыяте механизаторы Маликов Илназга , “Чәчү батыры” исеме Маликов Ниязга бирелде,ул тәкә белән бүләкләнде. Чәчүчеләр, җир эшкәртүчеләр тәбрикләнгәннән соң уеннар башланды. Уеннар белән аралашып үзешчән сәнгать осталары катнашында концерт та барды. Сабантуйның баш батыры исеменә Ахунҗанов Рифат Ришат улы лаек булды.
31 май көнне Олы Шыңар “Әллүки” балалар бакчасында балалар өчен Сабантуй бәйрәме оештырылды. Бәйрәмдә катнашучылар ярышларның һәр төрендә актив катнаштылар, һәрберсе приз алды. Балалар Сабантуе бик матур узды, ул һәр елны балалар түземсезлек белән көтеп ала торган матур традициягә әверелде.
Тренер Нәбиуллин Илфат Нәҗип улы укучылары 2007 елда туган һәм аннан яшьрәк егетләр арасында балаларны яклау көненә багышлап үткәрелгән «Көрәш» буенча район ярышларында катнаштылар. Зиннатов Ильмир 30 кг авырлык категориясендә 2 урынны, Мингазов Бахтияр 40 кг авырлык категориясендә 3 урынны, 55 кг авырлык категориясендә Мубараков Самат 2 урынны һәм Сафин Булат 3 урынны, 35 кг авырлык категориясендә Зарипов Эмиль 4 урынны алдылар.
Балалар техник иҗатына ярдәм итү һәм үстерү буенча район фестивалендә 2023-2024 уку елы нәтиҗәләре буенча укучыларга өстәмә белем бирү, спорт, иҗат һәм техника дөньясына тартуда, балаларның шәхси мөмкинлекләрен үстерүдә нәтиҗәле эшчәнлеге өчен Олы Шыңар урта мәктәбе судомоделләштерү берләшмәсе җитәкчесе Мөхетдинов Фәнзир Якуб улы, ярышларда катнашучы Мөбәрәков Самат, Мөхетдинов Айзат, Нигаматуллин Әмир, Тимергалиев Зиннур Саба муниципаль районы башлыгының Рәхмәт сүзенә лаек булдылар. Минһаҗев Бәхтияр «ЮниорПрофи-2024»чемпионатында «Пешекче эше» компетенциясендә җиңү яулады һәм Саба муниципаль районы башлыгының Рәхмәтенә лаек булды.
Авылларыбызның гүзәл табигате, үзебез яшәгән әйләнә-тирә мохит белән танышу максатында Олы Шыңар урта мәктәбе укучылары белән табигать кочагына экскурсияләр оештырылды. Авыл чишмәләре, су буйлары, елгалар буйлап йоргәндә балаларга табигатьне саклау буенча һәр кешенең җаваплылыгы һәм су ресурсларына сакчыл караш турында әнгәмәләр алып барылды.
Олы Шыңар урта мәктәбе командасы Эзмә урта мәктәбендә чик сакчысы көне хөрмәтенә укучылар арасында үткәрелгән мини-футбол буенча турнирда икенче урынны яулады.