ЯҢАЛЫКЛАР
Түбән Шытсу авылында яшәүче Галявиев Әмин Галяви улы һәм Галявиева Фәүзия Корбан кызының гаилә корып яши башлауларына быел 67 ел. Алар 1955 елның 20 мартында гаилә корып яши башлыйлар. Бүгенге көндә алар тигезлектә бәхетле гомер кичерәләр. Аларның 6 оныклары 11 оныкчыклары бар. Галявиевлар гаиләсе шушы матур бәйрәмнәре уңаеннын Саба муниципаль районы башлыгы Р.Н.Миннихановның бүләкләвенә лаек булдылар.
12-25 сентябрь аралыгында Татарстан Республикасы хөкүмәтенең "Алгарыш" грантын откан яшь белгечләр Алтай Республикасында тәҗрибә уртаклашып кайттылар. "Авыл биләмәләрен комплекслы үстерү" программасы кысаларында оештырылган әлеге тәҗрибә уртаклашу чарасында Түбән Шытсу авыл җирлеге башлыгы Мәүлетов Б.М.та катнашты. Барлыгы 14 яшь белгеч Алтай Республикасының авыл хуҗалыгы, агротуризм, яшьләр өчен булдырылган социаль программалары белән якыннан таныштылар. Әлеге чара кысаларында төрле экскурсияләр, Алтай Республикасы губернаторы О.Л.Хорохордин белән эшлекле очрашулар оештырылды.
Елыш авылында Югары Шытсу китапханәсе хезмәткәре балалар белән спорт темасына бәйле викторина үткәрде. Әлеге викторина балаларга бик ошады. Чара ахырында футбол уены уйналды.
Югары Шытсы китапханәсендә "Шигъри тәлгәшләр" дип исемләнгән чара булып узды. Әлгеге чара шагыйрә Асия Юнысовага 75 яшь тулу багышланды. Укучалар язучының шигырьләре белән якыннан таныштылар, әңгәмә кордылар.
Югары Шытсу китапханәсендә "Очрашуга кадәр, җәй" дип исемләнгән чара булып узды. Чарада мәктәп укучылары актив катнашты. Алар үтеп баручы җәй турында шигырьләр укыдылар, җәйге чорда булган кызыклы вакыйгаларны искә төшерделәр.
Югары Шытсу авылында ЩПС программасы нигезендә юл ремонтлау эше башланачак. Барлыгы 320 күләмендә юлга таш җәелү планлаштырыла. Эшне ООО "МДСУ1" оешмасы башкарачак. Бүгенге көндә материал ташу эше бара.
Түбән Шытсу төп мәктәбендә белем көне үткәрелде. Бу елны укырга барлыгы 6 укучы керде. Яңа уку елында мәктәп коллективына, укучыларга уңашлар телибез.
Югары Шытсу авылында мәдәният йорты хезмәткәрләре тырышлыгы белән Республика көненә багышланган урам концерты булып узды. Концерт авыл халкы, яшьләр катнашында бик матур үтте.
Түбән Шытсу мәдәният йорты хезмәткәрләре "Кичке уен" проекты кысаларында мәдәни чара үткәрде. Өлкәннәр, яшьләр гомумән авыл халкы элеккеге чорлардагы җыр-биюләрне искә төшереп матру гына ял итеп алдылар.
ООО "СХП Шытсу" җәмгыятендә кышкы чорга малларга азык әзерләү эше тулы көче белән бара. Шушы көннәрдә салам әзерләү эше төгәлләнеп килә.