ЯҢАЛЫКЛАР
"Саба" ҖЧҖнең "Мичән" бүлекчәсендә язгы кыр эшләренә әзерлек эшләре бара
« Укытучылар һәм остаз елы” уңаеннан хөрмәтле ветеран укытучылар белән Мичән төп мәктәбендә очрашу булды.
"Саба" ҖЧҖнең "Мичән" бүлекчәсендә язгы кыр эшләренә әзерлек эшләре бара
2021-2025 елларга исәпләнгән Татарстан республикасында беренче звеноны модернизацияләү буенча региональ программа кысаларында Керәнне фельдшер акушерлык пункты мөдире Дәминова А.Х. га планшет белән бергә көйләнгән ЭКГ аппараты бирелде. Вакытында дөрес диагноз куеп, беренче ярдәм курсәтергә, шулай ук өйдэ урын остендә ятучыларга профосмотр, диспансеризация уздырганда зур ярдәмче.
Татарстан Республикасында милли мәдәниятләр һәм традицияләр елы кысаларында 26 мартта Креннин авыл клубында авыл милли мөселман бәйрәме «Нәүрүз» үткәрелде. Программаның беренче өлешендә Нәүрузбикә һәм Кар Кызы катнашында театральләштерелгән тамаша узды. Аннары катнашучылар күңелле спорт конкурсларында катнаштылар һәм бүләкләр алдылар. Язгы бәйрәмнең азагында барлык кунаклар ботка белән сыйланды, коймак белән кайнар чәй эчтеләр. Бәйрәмдә лотерея билетлары да уйнатылды. Бәйрәм концерт номерлары белән үрелеп барылды. Бәйрәмгә килгән барлык кеше дә канәгать калды.
Иске Мичән авылы фельдшер-акушерлык пунктында ремонт эшлэре төгәлләнде. Ремонт эшләрен ПМК-159 оешмасы башкарды.
Авыл җирлекләре арасында уза торган волейбол буенча Саба муниципаль районы чемпионатында “ Мичән” хатын-кызлар командасы актив катнаша. Бугенгесе көндә Сатыш, Эзмә, Шытсу авыл җирлекләре командалары белән уйнап җиңү яуладылар. Җиңүләре белән котлыйбыз һәм уңышлар телибез.
Мичән төп белем бирү мәктәбе укучылары “ Милли йолалар - күңел бизәге" исемендәге милли йолалар күрсәтү чарасы үткәрде. Һәр сыйныф үзенә татар халкында саклана торган йолалар: 1 сыйныфлар - "Яңгыр чакыру"; 2 сыйныф - " Карга боткасы"; 3 сыйныф - "Йомырка җыю"; 4 сыйныф - " Кич утыру"; 5 сыйныф - "Сабантуйга бирнә җыю"; 6 сыйныф - "Балага исем кушу"; 7 сыйныф - " Кыз сорау"; 8 сыйныф - "Аулак өй"; 9 сыйныф- "Солдатка егет озату" күренешләрен бик оста итеп башкардылар.
Мичән төп белем бирү мәктәбендә узган Ажаган уены. Укучылар 2 командага буленеп, төрле уеннарда көч сынаштылар.