ЯҢАЛЫКЛАР
Яңа Мичән авылында модульле фельдшер-акушерлык пункты төзелеше тулы куәтенә бара.
12 июнь көнне Мичән авыл җирлегенең иң матур җирендә – су буенда, халкыбызның милли бәйрәме – Сабантуй үткәрелде.
Мичән авыл җирлегенең мәдәният хезмәткәрләре, Сабаның Үзэк мәйданында узган " Гармун сере" куңел ачу чарасында катнаштылар.
Мичән авыл җирлеге делегациясе УАЗ машинасы белән Байлар Сабасында узган Җиңү Парадында катнашты.
8 нче май көнне Мичән төп мәктәбе каршында батырлар истәлегенә куелган һәйкәл янында “Җиңү көне”, дип исемләнгән митинг үтте. Катнашучылар Бөек Ватан сугышында һәлак булган авылдашлар хөрмәтенә куелган һәйкәлгә марш белән уздылар, кулларына бабаларының һәм бабаларының портретларын тотып, "Үлемсез полк"акциясендә катнаштылар. Мичән авыл җирлеге башлыгы Гәрәев А.Ә., район вәкиле Рамазанов Э.Д., мәктәп директоры Закиров Д.Р., " "Саба" ҖЧҖ "Мичән"бүлекчәсе җитәкчесе Шайхуллин А.Н., сугыш чоры балалары, мәктәп укучылары, барлык тыл ветераннарын, сугыш чоры балаларын бәйрәм белән тәбрикләп, изге теләкләрен җиткерделәр. Сугыш елларында һәлак булган сугышчыларны, сугыштан соң үлгән ветераннарны бер минут тынлык белән искә алдылар, чәчәкләр салдылар һәм җитәкчеләр, «Хәйрия бакчасы»нда агач утырттылар.
Мичән авыл җирлеге бюджет учреждениеләре җитәкчеләре һәм Мичән мәктәбе укучылары "Хәтер бакчасы" акциясенә кушылдылар һәм агачлар утырттылар .
Мичән авыл җирлегендә яшәүче тыл ветераннарын Җиңү бәйрәме белән котлап Республика Президенты һәм район Башлыгы исеменнән бүләкләр бирелде.
23 апрель көнне Мичән авыл җирлегендә беренче язгы өмә булып узды. Өмәдә җирлек территориясендә урнашкан оешма хезмәткәрләре, Мичән төп мәктәбе укучылары катнашты.
2022 елның 10 март көнендә Яңа Мичән авылында яшәүче Миннебаева Мөсәвәрә Төхвәтулла кызы 90 яшьлек юбилеен билгеләп үтте. Юбилярны РФ Президенты Путин В.В. һәм Саба муниципаль районы Башлыгы Минниханов Р.Н. исеменнән Мичән авыл җирлеге башлыгы Гәрәев А.Ә., Мичән авыл җирлеге сәркатибе Мөбарәкова И.А., «Саба" җаваплылыгы чикләнгән җәмгыяте «Мичән» бүлекчәсенең баш хисапчысы Хәйруллина Р.Н. котладылар.
2 февраль көнне Иске Мичән мәдәният йортында "Саба" ҖЧҖ "Мичән" бригадасының отчет җыелышы булып узды. Директор Шайхуллин Айзат Наиль улы һәм баш белгечләр 2021 елдагы эшләргә тирән анализ ясадылар, җитешсезлекләрне билгеләделәр, аларны төзәтү һәм камилләштерү юлларын күрсәттеләр, 2022 елга планнар билгеләделәр. ҖыелыштаТатарстан Республикасы Авыл хуҗалыгы һәм азык-төлек министрлыгының Саба муниципаль районы Авыл хуҗалыгы һәм азык-төлек идарәсе башлыгы Гафур Шәйхулла улы Хәсәншин катнашты.