ЯҢАЛЫКЛАР

2022 нче елда Идел буе Болгар дәүләтенең рәсми рәвештә Ислам динен кабул итүенә 1100 ел була. Шул уңайдан Авыл җирлеге башлыгы Шәфигуллин Фаил Фәхим улы Сатыш авылы мәдрәсә музеена Габдрахманов Фәнил Исхак улы ярдәме белән алынган намазлыкларны тапшырды.

Сатыш авыл җирлегендә  Нәүрүз бәйрәме гөрләп узды. Балалар һәм олылар арасында кызыклы уеннар оештырылды. Барлык катнашучылар плов, коймак, кайнар чәйдән авыз иттеләр

Сатыш авылы музей- мәдрәсәсендә  "Куллар беркайчан да ялны белми" дигән темага бәйләү буенча мастер-класс узды. Үз-үзең өчен бәйләү-аеруча рәхәт. 

Халкыбызның элек-электән уздырылып килгән язгы милли бәйрәмнәренең берсе - Нәүрүзне каршы алу уңаеннан, Ш.З.Зиннуров исемендәге Сатыш урта мәктәбендә Дәрә җыю йоласы булып үтте. Әлеге чара җыр-биюләр белән үрелеп барды. Соңыннан барлык укучылар да бәйрәм коймагы  белән сыйландылар.

Сатыш авылы мәдрәсә музеенда "Иң сөйкемле һәм яраткан әниләргә" дип исемләнгән мастер класс үткәрелде. Мастер класста катнашкан укучылар әниләренә дигән бүләкне бик тырышып, якыннарына шатлык китерү теләге белән күңел җылыларын салып эшләделәр.

6 март көнне Сатыш авыл җирлегендә  традицион кышкы спартакиада оештырылды. Ярышны ачу тантанасында район Башлыгы урынбасары- Закирҗанов Расих Рахимҗан улы, яшьләр һәм спорт бүлеге җитәкчесе Гарипов Ирек Рамазан улы  һәм иганәчеләр катнашты.

7 март көнне Бигәнәй мәдәният йортында китапханә белән берлектә 8 Март бәйрәме уңаеннан "Могҗизалы көн-8 Март" дип исемләнгән әдәби-музыкаль кичә үткәрелде. Барлык номерлар хатын-кызларга, мәхәббәт һәм язга багышланган иде. Бу көнне бәйрәмнең хуҗалары-матурлык, наз, игелек һәм барысына да бүләк ителгән бәйрәм кәефе! Тамашачылар бәйрәмнең тантаналы шартларына чуму мөмкинлегенә ия булдылар: фойеда безнең авылда яшәүче Дания Фәтхрахманованың рәсемнәре күргәзмәсе тәкъдим ителде. Алкышлар барлык катнашучылар өчен иң яхшы бүләк булды. Концерт бик күңелле үтте.

Сатыш балалар бакчасында гаилә бәйрәме булып узды. Балалар әти-әниләренә бик матур биюләр, җырлар, шигырьләр бүләк иттеләр. Соңыннан әтиләр һәм әниләр командасы волейбол уйнады. Балалар алар өчен җан атып, көч биреп утырды.

5 март көнне Мамалай балалар бакчасында балалар арасында күңелле старт булды. Балалар бик теләп төрле-төрле уенннарда катнаштылар. Соңыннан балалар бер-берсенә бүләкләр тараттылар. Бәйрәм бик күңелле узды.

Сатыш авыл җирлеге үзешчәннәре Олы Нырты мәдәният йортында "Җырлыйк әле" шоу программасы белән чыгыш ясады.