ЯҢАЛЫКЛАР
Ш.З.Зиннуров исемендәге Сатыш урта мәктәбе укучылары һәм укытучылары язгы өмәдә катнашты. Күмәк көч белән территорияне чүптән арындырдылар, тырмаладылар,кар тараттылар.
"Бигәнәй" хатын-кызлар волейбол командасы Теләче районы Шадке авылында физик культура укытучысы Мингалиев Г.Г. истәлегенә волейбол буенча ачык турнирда 2 урын яулады.
"Яшь мастер" (BabySkills) чемпионатының муниципаль этабы узды. Чемпионатта Сатыш балалар бакчасында тәрбияләнүче Шакирова Ясминә Илназ кызы "Рәсем сәнгате" компетенциясе буенча катнашты һәм катнашучы дипломы белән бүләкләнде.Балаларның зур тырышлык белән ясаган рәсемнәре бик матур килеп чыкты, шулай ук барлык сорауларга да дөрес җавап бирделәр.
Сатыш авыл китапханәсендә актив укучылар арасында "Иң яхшы укучы"итемасына укучылар конкурсы уздырылды.
Сатыш авыл китапханәсендә "Ышаныч телефоны" дигән мәгълүмат сәгате үткәрелде. Китапханәче ышаныч телефонының ни өчен кирәклеген, әлеге хезмәтнең нинди принцип буенча эшләвен һәм телефон консультантларыннан нинди ярдәм алырга мөмкинлеген аңлатты. Чара әлеге тема буенча презентация карау һәм истәлек - закладка тарату белән үрелеп барды. Катнашучылар көндәлекләрендә балалар ышаныч телефоны номерын саклап калдылар.
Сатыш авылы музей-мәдрәсәсендә агач эшләнмәләр рәсеме ясау буенча мастер-класс узды. Барлык балалар да диярлек рәсем ясарга ярата, ә бу ысул белән теләсә нинди предметны бизәргә мөмкин икән, димәк, рәсем сәнгате буенча мастер-класс универсаль күңел ачуга әверелә. Бу көндәлек ял һәм бәйрәм чаралары өчен идеаль, төрле яшьтәге балаларга һәм төрле урыннарга туры килә.
2023 елның 19 мартында Мамалай авылында яшәүче Мараков Мәхмүт Мөбәрәкҗан улы 90 яшьлек юбилеен билгеләп үтте. Юбилярны Сатыш авыл җирлеге башлыгы ШФ.Ф. Шафигуллин, халыкны социаль яклау бүлеге җитәкчесе Л.Н.Гайнутдинова, «Шытсу" җаваплылыгы чикләнгән җәмгыяте җитәкчесе А.А.Билалов котладылар. Мәхмүт абыйга бәхетле картлык телибез.
Сатыш авылы мәдрәсәсе музее хезмәткәрләре мавыктыргыч мастер-класс әзерләделәр. Балаларның яраткан әниләре өчен төрле материаллардан якты тартмалар ясадылар.
21 март көнне Бигәнәй мәдәният йорты һәм китапханә хезмәткәрләре тарафыннан» Нәүрүз бәйрәме" үткәрелде.
“Милләт яме-йола, бәйрәмнәрдә!” фестиваль конкурсы кысаларында Сатыш мәдәният йортында Саба аграр көллият, Саба урта мәктәбе, Саба районы банклары, Саба районы МЧС хезмәткәрләре чыгыш ясады.