21 ноябрь Бөтендөнья сәламләшү көне буларак билгеләп үтелә. Әлеге дата Сәләтле балалар мәктәбендә дә эзсез үтмәде. Бу көнне мәктәпкә килгән укучыларны, укытучыларны, әти – әниләрне төрле телләрдә сәламләүче укучылар каршы алды. Алар испан, француз, азербайджан, инглиз, татар, рус, индия, немец һәм башка телләрдә исәнләшеп, хәерле көн теләделәр. Шулай ук көн дәвамында укучыларга төрле илләрдә сәламләшү кагыйдәләре турында сөйләүче презентация дә тәкъдим ителде.