Муниципаль районнар Саба муниципаль районы

“Иң яхшы әйдаман” исеменә Олы Кибәче укучысы Зәринә Галиәхмәтова лаек булды.

2015 елның 24 феврале, сишәмбе

24 февраль көнне Балалар иҗат үзәгендә “Иң шәп әйдаман” – 2015 Республика конкурсының район этабы булып узды. Әлеге конкурсның зона турында 22 укучы катнашты һәм шулар арасыннан чыгышлары уңышлы дип бәяләнләнгән 7 укучы район этабында чыгыш ясады. Әйдаман кызлар әзерлекле икәннәрен тагын бер кат исбатлап, иң яхшы оештыручы, иң оста биюче һәм җырчы, гомумән, чын әйдаман икәннәрен исбатладылар. Шуны исәпкә алып һәр укучы аерым номинацияда җиңүче исеменә лаек дип бәяләнде. Ә “Иң яхшы әйдаман” исеме Олы Кибәче урта мәктәбеннән Галиәхмәтова Зәринәгә бирелде. Зәринә безнең районыбыз данын әлеге конкурсның Республика турында яклаячак.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

103 — ашыгыч медицина ярдәменең бердәм номеры

Сезгә шуны хәбәр итәбез: 1 апрельдән ашыгыч ярдәм чакыруның бердәм номеры гамәлгә керде: «103». Ашыгыч медицина ярдәменә барлык чакырулар бары тик кыска телефон номеры — 103 буенча гына кабул ителә һәм бердәм диспетчерлык үзәге аша уза. Барлык кәрәзле элемтә операторлары өчен 103 номерын җыярга кирәк.

Тимершык авыл җирлегендә өмәләр

2026 елның 1 апреленнән 31 маена кадәр Татарстан Республикасында торак пунктлар территорияләрен чистарту буенча санитар-экологик икеайлык уза.Санитар-экологик икеайлык кысаларында Тимершык авыл җирлегендәге оешма-предприятиеләрдә, шәхси хуҗалыкларда, урамнарда, чишмәләрдә тирә-якны чүпләрдән чистарту максатыннан өмәләр башланды. Җыештыру эшләрендә җирлек халкы зур теләк белдереп актив катнаша.

Миңгәр авылында Мишә елгасы аша яңа күпер

Татарстан Республикасы Саба муниципаль районының Миңгәр авылында Мишә елгасы аша автомобиль күпере төзелеше 2025 елның 28 августында башланды. Проект «Тормыш өчен инфраструктура» милли проекты кысаларында тормышка ашырыла, ул торак пунктларны комплекслы үстерүгә, юллар төзүгә һәм ремонтлауга, территорияләрне төзекләндерүгә һәм инфраструктураны яңартуга юнәлдерелгән. Күпер төзелешен “Базовый проект” ҖЧҖ башкара.

Халыкара өстәл теннисы көне

5 апрельдә «Саба-Арена» спорт комплексында "Халыкара өстәл теннисы көне" билгеләп үтелде. Ир-атлар арасында ялгыз разрядта Раил Галиәкбәров һәм Алмаз Гарипов пьедесталның өченче баскычына күтәрелделәр. Икенче-Илсаф Латыйпов. Камил Вилданов җиңүче булды. Хатын-кызлар разрядында өченче урынны Анастасия Ануфриева һәм Камилә Әхмәтова алды. Икенче урын- Иделия Сафинада.Турнирның җиңүчесе Зилә Хәбибрахманова булды. Җиңүчеләргә һәм призерларга «Саба-Арена» спорт мәктәбеннән тиешле дәрәҗәдәге дипломнар һәм татлы призлар бирелде.

ЯҢАЛЫКЛАРГА ЯЗЫЛУ