Инфраструктура үсеше бүлеге 2026 елда күпфатирлы йортларга капиталь ремонт барышы турында хәбәр итә
2026 елга төбәк программасы кысаларында Саба районының ун күпфатирлы йортында капиталь ремонт эшләре алып барыла. Саба муниципаль районы Башкарма комитетының Инфраструктура үсеше бүлеге халыкка ремонт барышы турында мәгълүмат бирә.
Капиталь ремонтка Байлар Сабасы бистәсендәге алты йорт кертелгән:
Г.Закиров урамы, 40нчы йорт;
З.Юсупов урамы, 13б һәм 19б йортлар;
Төзүчеләр урамы, 3нче һәм 7нче йортлар;
Мәктәп урамы, 48нче йорт.
Шемордан авылында исә дүрт йортта эш бара:
Тимер юл урамы, 18нче йорт;
М.Горький урамы, 2а йорт;
Яшьләр урамы, 15нче йорт;
Совет урамы, 4нче йорт.
Барлык объектларда да ишек алларын (подъездларны) ремонтлау, вентиляция каналларын һәм морҗаларны яңарту каралган. Өстәмә рәвештә, Байлар Сабасындагы Төзүчеләр урамы, 7нче йортта һәм Мәктәп урамы, 48нче йортта эчке су чыгару системаларын да ремонтлыйлар.
Һәр йорт өчен проект-смета документациясе әзерләнгән, экспертиза үтелгән, эшләрне техник күзәтү дә оештырылган.
Бүгенге көнгә ремонт расланган графиклар нигезендә бара. Иң зур күләмдәге эшләр Шемордандагы М.Горький урамы, 2а йортта һәм Байлар Сабасындагы Төзүчеләр урамы, 7нче йортта башкарылган. Шеморданның Яшьләр урамы, 15нче йортында һәм Байлар Сабасының Төзүчеләр урамы, 3нче йортында ремонт актив фазада дәвам итә. Калган объектларда эшләр пландагы вакыт рамкаларында бара.
Инфраструктура үсеше бүлеге срокларның, төзү технологияләренең һәм эш сыйфатының үтәлешен даими күзәтә.