Җәйге чорда сулыкларда куркынычсызлык. Суда үз-үзеңне тоту куркынычсызлыгының төп кагыйдәләре.

Янгын сүндерүче хезмәте иң куркыныч һәм җаваплы хезмәтләрнең берсе. Алар һәрчак уяу һәм янгын вакытында иң беренче булып ярдәмгә килүче һөнәр ияләре. Килеп чыккан янгын вакытында зур осталык күрсәтәләр: кеше гомерен, сәламәтлеген, милкен саклап калалар. Эзмә мәктәбе каршында эшләп килүче «Дуслык» ял һәм сәламәтләндерү лагерендә тәрбияләнүче балалар Байлар Сабасында урнашкан 129 нчы янгын сүндерү бүлегендә профориентацион экскурсиядә булдылар. Балалар янгын сүндерүче һөнәренең үзенчәлекләре белән таныштылар, янгын чыкканда үз-үзеңне тоту һәм янгын куркынычсызлыгы кагыйдәләрен үтәүнең мөһимлеген кабат искәрттеләр. Бүлек хезмәткәрләре мәктәп укучылары өчен кызыклы экскурсия үткәрделәр: -янгын сүндерү техникасын күрсәттеләр һәм аның максаты турында сөйләделәр; -янгын сүндерүчеләрнең экипировкасын һәм җиһазларын күрсәттеләр; -янгын сүндерү машинасының эшләү тәртибен аңлаттылар. Бу очрашу бик кызыклы булды. Янгын сүндерү хезмәткәрләренә ныклы сәламәтлек, иминлек телибез. Янгыннар булмасын иде дигән теләктә калабыз.

Түбән Шытсу авылында Сабантуй бәйрәме гөрләп узды. Г.Тукайның 140 еллыгын, халыклар бердәмлеге елына багышланган ачылыш өлешеннән соң, алдынгы авыл хуҗалыгы хезмәтчәннәрен бүләкләү тантанасы булып узды. Бәйрәмчарасында төрле кызыклы спорт һәм милли уеннар тәкъдим ителде. Сабантуйның баш батыры булып Мусин Ильсур танылды. 

Түбән Шытсу авыл җирлеге район Сабантуенда оештырылган җигүле талар парадында актив катнашты. Җигүле ат ООО "СХП Шытсу" җәмгыятеннән китерелде. Булышлык өчен рәхмәт белдерәбез!