Хоккей ярышларында 3нче урын

2026 елның 20 апреле, дүшәмбе

19 апрель көнне Апаста Бөек Җиңү көненә багышланган хоккей ярышлары булып узды. Әлеге ярышларда 50 яшьтән югарылар арасында 6 команда  катнашты: Апас, Питрәч, Арча, Кукмара, Саба, Балтач.
Уеннар бик кискен рәвештә барды. Апас командасын 4:2 белән җиңдек. Арча командасына исә 3:2гә җиңелдек. Һәм, нәтиҗәдә, Балтач командасын 3:2 белән җиңеп,  безнең Саба районы командасы 3 урынга лаек булды.
Шунысын да әйтергә кирәк, Апас - Саба юлы командабызның оста уенчысы, шул ук вакытта Тынычлык мәчетенең имамы Ильнур  Галимзяновның вәгазьләрен тыңлап бик тиз һәм җиңел үтелде, шуңа күрә юл ераклыгы сизелмәде дә.