Ш.З.Зиннуров исемендәге  Сатыш мәктәбендә урнашкан китапханәгә экскурсия

Автоном коммерцияле булмаган «Балкыш»-(Сияние)  тернәкләндерү үзәгендә, ЛФК инструкторы тарафыннан социаль хезмәт алучыларга физик күнегү дәресләре һәм иртәнге гимнастика уткәрелә.

«Салават күпере» Шәмәрдән 3 нче балалар бакчасы базасында «Нәүрүз» бәйрәме булып узды. Язның килүен һәм табигатьнең яңаруын символлаштырган Нәүрүз, бакчада тәрбияләнүчеләрне татар халкының бай мәдәни мирасы белән таныштыру өчен сәбәп булды. Балалар янына кунакка Төлке, Куян, Карга, Аю, Кыш, матур Яз-Нәүрүзбикә килде. Бәйрәмдә балалар көч, җитезлек һәм тизлектә көч сынаштылар. Җырлар, күңелле биюләр, уеннар балаларны чын күңелдән сөендерде. Бәйрәм азагында Нәүрүзбикә балаларны коймак белән сыйлады.

Агымдагы елның 26 мартында "Шытсу АХП" ҖЧҖендә үзйөрешле машиналарны һәм аларның тагылмаларын техник карау узды. Татарстан Республикасы Дәүләт техника күзәтчелегенең Саба районы буенча бүлек башлыгы Х.Х. Нәзиров тарафыннан кешеләрнең тормышы, сәламәтлеге һәм мөлкәте өчен куркынычсызлыкны тәэмин итү, әйләнә-тирә мохитне саклау өлкәсендә машиналарны һәм җиһазларны техник карау һәм эксплуатацияләү кагыйдәләрен үтәү кагыйдәләре, таләпләре турында аңлатмалар бирелде. Чараның практик өлешендә катнашучылар тиешле дәрәҗәдә әзерләнгән техниканы карадылар.

Чаңгы ярышлары буенча кичә узган Гаилә эстафетасында гаиләләре белән Финанс – бюджет палатасы хезмәткәрләре дә катнашты. Нәтиҗә дә сөендерерлек булды. Бүлек җитәкчесе Гөлнара Заһидуллина гаиләсе  2нче, бюджет бүлеге белгече Алинә Миннегулова гаиләсе белән 3нче урынны яуладылар. Гомумән, оешмабыз хезмәткәрләре районда үтеп килүче һәр чарада актив катнашып киләләр. Һәм үзләре генә түгел, балаларны да шундый актив тормыш рәвеше алып барырга тарталар. Ә балалар коллективта иң зур байлык булып тора, әлбәттә. Бүгенге көндә 3 гаиләдә 4 бала тәрбияләнә, 3 бала үстерүче 11 гаиләбез бар, 20 гаиләдә исә икешәр бала тәрбияләнә. Гаиләдә әти-әниләр балалары белән бер дулкында булганда гына иң матур һәм нәтиҗәле уңышларга ирешергә мөмкин дә инде.