Шекше авыл җирлегендә «Нәүрүз» бәйрәме

2026 елның 23 марты, дүшәмбе

21 март көнне Шекше авыл җирлегенең Шекше авылында «Нәүрүз»бәйрәме үткәрелде. Бу бәйрәмне Шекше төп гомум белем бирү мәктәбе һәм авыл мәдәният йорты хезмәткәрләре оештырды. Бәйрәм бүләкләр җыюдан һәм театральләштерелгән куелыштан башланды. Тамашадан соң балалар әти-әниләре белән бергә әзерләнгән төрле ризыкларны, шулай ук кулдан эшләнгән эшләнмәләрне саттылар. Соңыннан теләге булган һәркем уеннарда һәм ярышларда катнаша алды.