Шекше авыл җирлеге хоккей командасы алкалы хоккей буенча район Чемпионатында

14 нче февраль көнне Алан-Елга авылында яшәүче Гайнанова Асия Әхтәм кызына 95 яшь тулды. Юбилярны социаль яклау бүлеге җитәкчесе Гайнутдинова Л.Н., Шекше авыл җирлеге башлыгы Хәйртдинов Р. Р. һәм ҖЧ «Игенче» җәмгыяте директоры Зарипов А.З. котладылар. Гайнанова  Асия Әхтәм кызы 1931 елнын 14 февралендә  Саба районы Шекше авылында туган. Асия апа 1957 елда Шекше авылы егете Гайнанов Зиннур Ногман улы  белән гаилә корып яши башлыйлар. Зиннур абый белән 3 бала: 1 малай, 2 кыз үстерәләр. Асия апаның 3 оныгы, 9 оныкчыгы бар. Бөек Ватан сугышы башланганда аңа нибары 10 яшь була. 11 яшеннән ул әнисе белән уракта, урман кисүдә эшли. Бер караңгыдан икенче караңгыга кадәр, колхозның төрле эшендә эшләп, озак еллар нәтиҗәле эшләгәне өчен “Хезмәт ветераны” исеме алып лаеклы ялга чыга. Асия апа Бөек Җиңүнең юбилей медальләренә ия була. 2025 елда Россия Президенты Указы белән “1941-1945 еллар Бөек Җинүнең 80 еллыгы” медале белән бүләкләнде Бугенге көндә Асия апа Алан-Елга авылында кызы Фидәния гаиләсендә матур гомер кичерә.  

14 февраль көнне Шекше төп мәктәпбендә авыл җирлеге башлыгы Хәйртдинов Радик Рамазан улы катнашында 2026 елда Татарстан Республикасында игълан ителгән хәрби һәм хезмәт батырлыгы елына багышлап парламент дәресе үткәрелде. Дәрес " Хезмәт һәм сугыш батырлыгы белән Ватанны данлыйбыз!". Интерактив элементлар белән укучылар өчен парламент дәресен тарих һәм җәмгыять белеме укытучысы Ибәтуллин Рузил Рафиль улы үткәрде. Дәрес барышында укучылар ил тарихында дәүләт һәм җәмгыять тормышындагы мөһим моментларга бәйле төп даталар һәм вакыйгалар турындагы сорауларга җавап бирделәр Радик Рамазан улы ассызыклаганча, Ватанга төрлечә хезмәт итәргә мөмкин: армиядә яки дәүләт хезмәтендә генә түгел, волонтерлык, иҗтимагый оешмаларда катнашу, мәдәни һәм мәгариф инициативаларына ярдәм итү аша да. Ул укучыларны актив гражданнар булырга, инициатива күрсәтергә һәм җәмгыять үсешенә үз өлешләрен кертергә өндәде. Парламент дәресе танып белү генә түгел, илһамландыручы вакыйга да булды. Ул балаларга илнең киләчәгендә үз ролен аңларга һәм аларның һәркайсының уртак эшкә үз өлешен кертә алуын аңларга ярдәм итте.

2026 елның 15 февралендә"Саба-Арена" спорт мәктәбе "өстәмә белем бирү муниципаль бюджет учреждениесы базасында «ТР Бадминтон өметләре - 2026"ның 1 турына сайлап алу ярышлары узды. Ярышларда Саба, Теләче һәм Кукмара районнарыннан 67 спортчы катнашты. Түбәндәге спортчылар чемпион һәм призер булды: 2014 - 2015 елгы, малайлар: 1 урын-Шаһиев Айзат (Саба) 2 урын-Шәймәрданов Азамат (Саба) 3 урын-Закиров Самир, Гыйлманов Кәрим (икесе дә Саба) 2014 - 2015 елгы, кызлар: 1 урын-Гыйләҗиева Мәдинә (Теләче) 2 урын - Гайнетдинова Раилә (Теләче) 3 урын-Әхтәмова Алия, Рәхимуллина Иллария (икесе дә Кукмара) 2016 елда туган һәм кечерәк, малайлар: 1 урын - Гайфиев Булат (Кукмара) 2 урын-Мөхәммәтшин Ислам (Саба) 3 урын - Салихов Рияз (Саба), Кәримов Әмил (Кукмара) 2016 елда туган һәм кечерәк, кызлар: 1 урын-Хаҗиева Әмилә (Кукмара) 2 урын-Закирова Ләйлә (Кукмара) 3 урын-Әхмәтова Гүзәл, Садретдинова Алинә (икесе дә Кукмара). Чемпионнарны, призерларны, тренерларны, ата-аналарны котлыйбыз һәм киләчәктә дә республика турында уңышлар телибез.