Сәламәт яшәү рәвеше тарафдары Әмин Ибраһимович Миңнегулов ВФСК ГТО мактау билгесе белән бүләкләнде.
Әмин Ибраһимович 70 яшендә искиткеч физик форма һәм чыдамлык күрсәтә. Ул чаңгыда марафон дистанцияләрен җиңел уза, шулай ук даими рәвештә йөзү һәм йөгерү белән шөгыльләнә. Җиңел атлетика буенча бөтенроссия ярышларында җиңүче.
Әмин Ибраһимович үзенең үрнәге белән яшь буынны спорт белән шөгыльләнергә һәм актив яшәү рәвеше алып барырга рухландыра. Без аңа озын гомер һәм яңа спорт казанышлары телибез!