Иске Мичән авылы зиратын авыл халкы көче белән җыештыру, төзекләндерү эшләре башланып китте. Аны башлап йөрүчеләр Хайруллин С., Хадиевлар, Байназаров Т. Таҗетдиновлар. Аларга булышырга теләге, вакыты булган авылдашлар да кушыла. Хатын кызларыбыз да читтә калмады. Алар баганалар буяды, чүпләр кырды. Егетләребез иске коймаларны сүтеп тимер торбалар утырттылар, тимер штакетник койма тота башладылар. Аларга бу изге эшләрендә уңышлар телибез, авыл халкы, читтәге туган-тумача исеменнән, рәхмәтебезне белдерәбез.