Җаваплылыгы чикләнгән “Лукоз Саба” җәмгыятенең еллык хисап җыелышы
2025 елның 11 нче февралендә җаваплылыгы чикләнгән “Лукоз Саба” җәмгыятенең 2024 нчы елдагы эшчәнлек нәтиҗәләре буенча еллык хисап җыелышы булып үтте. Хисап җыелышында хуҗалык җитәкчелеге, белгечләр, хезмәткәрләр һәм Саба муниципаль районының авыл хуҗалыгы һәм азык-төлек идарәсе җитәкчесе Г.Ш. Хәсәншин. “Лукоз Саба” җәмгыяте коллективы артык зур булмаса да (җәмгыяттә барлыгы 28 кеше эшли), мал саны һәм җитештергән продукция күләме буенча хуҗалык Россиядә һәм БДБ илләрендә иң эреләрдән санала. Бүгенгесе көндә хуҗалыкта кәҗә саны 3 807 баш исәпләнә. 2024 нче елда җитештерелгән тулаем продукция бәясе 59 млн 665 мең сум тәшкил итә. Хуҗалыкның төп юнәлеше кәҗә сөте җитештерү һәм нәселле кәҗәләр үрчетү булып тора. Еллык хисап җыелышында хуҗалык җитәкчелеге һәм белгечләре 2024 нчы елдагы эшчәнлеккә анализ ясап, ирешкән уңышларга һәм хуҗалык эшчәнлегендә булган кимчелекләргә дә тукталдылар. Район авыл хуҗалыгы һәм азык-төлек идарәсе җитәкчесе Гафур Шайхулла улы “Лукоз Саба” җәмгыяте коллективына тырыш хезмәтләре өчен рәхмәт белдерде һәм коллективның яшь, бердәм булуын билгеләп үтте. Шулай ук ул хуҗалыкның җитештерү мөмкинлеге зур булуын ассызыклап, 2025 нче елда коллективка сөт җитештерү күләмен арттыру бурычын куйды. Җыелышның ахырында Гафур Шайхулла хуҗалыкта эшләүче Гөлинә Насибуллина, Гөлнур Гыймадиева һәм Алсу Мингазованың тырыш хезмәтләрен билгеләп, аларга Саба муниципаль районы башлыгы Р.Н. Миннихановның Рәхмәт хатларын тапшырды. Ә Фәнил Каюмов һәм Мөдәрис Вәлиевка Саба муниципаль районының авыл хуҗалыгы һәм азык-төлек идарәсе профсоюз комитетының Рәхмәт хатына табшырылды.
Хуҗалык җитәкчелеге үз чиратында хуҗалыкта эшләүче гаиләләрне һәм юбилейларын билгеләп үткән эшчеләрне бүләкләде.