Оешмабызның 2025 елда дөньяга килгән беренче сабыйлары

2025 елның 28 гыйнвары, сишәмбе

Финанс – бюджет палатасында хезмәт куючылар арасында демографик күрсәткеч начар түгел. Унике гаиләдә өчәр бала тәрбияләнә, дүрт балалы бер гаиләбез бар. Калган гаиләләр күбесе икешәр балалы гаиләләр. Яңа елның беренче аенда  Алинә һәм Артур Гаптриевлар гаиләсендә дөньяга килгән Асия дә гаиләдә өченче бала, Ләйлә һәм Азат Файзутдиновларның уллары гаиләдә икенче бала булып дөньяга килде. Алинә дә, Азат та Үзәкләштерелгән бухгалтерияда бухгалтер булып хезмәт куялар.

Оешманың 2025 елда дөньяга килгән беренче сабыйлары исә әти-әниләренә куанычлы мизгелләр генә бүләк итсеннәр. Тормыш юллары да кышкы ак карлар кебек ап-ак, бәхетле  булсын балаларның.