7 январь көнне Тимершык мәдәният йортында яшь гаиләләр арасында күңелле стартлар үтте.

2025 елның 8 гыйнвары, чәршәмбе

7 январь көнне Тимершык мәдәният йортында яшь гаиләләр арасында күңелле стартлар үтте. 

Бу чара "Яшьлек" яшьләр үзәге тарафыннан Тимершык мәдәният йорты белән берлектә оештырылды . 

Чараны ачуда "Яшьлек"яшьләр үзәге директоры Закиров Делюс Ридаил улы катнашты . Ул барлык катнашучыларга күтәренке кәеф һәм уңышлар теләде . 

Программада мавыктыргыч эстафета, кызыклы конкурслар һәм спорт уеннары бар иде.

  Иң актив һәм дус командаларга грамота һәм акчалата бүләкләр тапшырылды . 

Мондый чаралар гаилә рухын арттыра , вакытны күңелле итеп уздырырга ярдәм итә. Чарада катнашучы гаиләләргә рәхмәт белдерәбез, яңа  2025 нче елда да шундый актив һәм бердәм булуларын телибез.