Буген, 30 нчы декабрь көнне, Шәмәрдәндә, чаңгы сезоны ачылып, беренче ярышлар үтте.

2024 елның 30 декабре, дүшәмбе

Буген, 30 нчы декабрь көнне, Шәмәрдәндә,  чаңгы  сезоны ачылып, беренче ярышлар үтте. Спортның  бу төрен яратучылар әлеге көнне көтеп алдылар. Ярышларны Шәмәрдән авыл җирлеге башлыгы Альберт Кави улы Вәлиев башлап җибәреп, уенчыларга уңышлар теләде. "Яшьлек" яшьләр үзәге директоры Делюс Ридаил улы Закиров барысын да якынлашып килүче Яңа 2025 нче ел белән котлап, изге теләкләрен җиткерде. Ярышларга Кыш бабай белән Кар кызы да килгән иде. Алар,  "Яшьлек" яшьләр үзәге директоры белән берлектә, барлык җиңүчеләрне тәбрикләп, грамота һәм акчалата бүләкләр твпшырдылар. Шулай итеп чаңгы сезоны ачык, димәк алдагы көннәрдә спорт сөючеләрне тагы да көчлерәк   ярышлар көтә дигән сүз.