Ел спортчысы-2024
24 декабрьдә Идел буе спорт университетында ел саен үткәрелә торган «Ел спортчысы 2024» республика премиясенә йомгак ясалды. Гадәттәгечә спорт вузының актлар залында спортчыларны һәм тренерларны, федерация һәм клуб җитәкчеләрен, массакүләм мәгълүмат чаралары вәкилләрен һәм спорт тармагының башка вәкилләрен хөрмәтләделәр.
Премияне Татарстан Республикасы спорт министры Владимир Леонов ачты:
« Бүген без юбилей, унынчы «Ел спортчысы» премиясен уздырабыз. 2024 ел бик якты һәм вакыйгаларга бай булды. Гыйнвар аеннан ук без актив рәвештә спорт көн тәртибенә кушылдык, чаңгы ярышлары буенча Россия Кубогының V этабын, ә аннары киләчәк һәм БРИКС уеннарын үткәрдек. Сезнең ярдәмегездән башка безгә кыска вакыт эчендә шулкадәр күп спорт чараларын оештыру авыр булыр иде. Биредә булган һәр кешегә сезнең хезмәтегез, максатчанлыгыгыз һәм энтузиазмыгыз өчен рәхмәт белдерәсем килә».
Чара дәвамында сәхнәдә концерт номерлары бүләкләүләр һәм рәхмәт сүзләре белән алмашынып торды. Бүләкләр «Татарстан Республикасының иң яхшы студентлар спорт клубы», «Татарстан Республикасының иң яхшы спорт мәктәбе», «ГТО», «Елның ачышы», «Ел рекордсмены», «Җиңү генераторы», «Спорт династияләре», «Ветераннар» һәм башка номинацияләрдә үз җиңүчеләрен тапты.
Кичә ахырында төп бүләкләрне премиянең мактаулы кунагы-Татарстан Республикасы Дәүләт Советы Рәисе Фәрит Хәйрулла улы Мөхәммәтшин тапшырды.
«Владимир Александрович, мин Сезгә республика җитәкчелеге, рәис Рөстәм Нургали улы Миңнеханов, Татарстан Республикасы Дәүләт Советы һәм Хөкүмәте исеменнән рәхмәтемне белдерәсем килә. Сезнең барыгызга да шундый актив тормышыгыз, милләт сәламәтлеген саклауга керткән өлешегез өчен рәхмәт белдерәсем килә».
"Физкультура-сәламәтләндерү эше буенча Татарстан Республикасының иң яхшы авыл районы" номинациясендә (халык саны 30 меңнән 55 меңгә кадәр) район башлыгы Рәис Нургали улы Миңнеханов исеменнән Саба муниципаль районы бүләкләнде;
Авыл муниципаль берәмлекләре арасында «ГТО алдынгысы» номинациясендә - Саба муниципаль районы 1 урын.
Районның спорт тормышына актив катнашы булган барлык кешеләрне котлыйбыз, сәламәтлек, уңышлар һәм иминлек теләп калабыз.