“Сәләтле балалар өчен «ОНИКС” мәгариф үзәге” яналыклары!
«ОНИКС» мәгариф үзәге көн саен яңалыкка омтылып, кызыклы тормыш белән яшәвен дәвам итә. 28 ноябрь көнне Олы Шыңар мәдәният йортында үткәрелгән «Тату сыйныф серләре» бәйгесендә 6 нчы сыйныф укучылары (сыйныф җитәкчесе – Хуҗина А.Р.) һәм әти-әниләре катнаштылар, матур чыгыш күрсәттеләр. Ә 29 ноябрь көнне үзәкнең «Балачак» балалар бакчасы базасында тәрбиячеләр өчен “Хезмәт тәрбиясе һәм һөнәри юнәлеш бирү” темасына республикакүләм семинар узды. Саба, Арча, Кукмара районнарыннан килгән 40 тан артык педагог- тәрбиячеләр бакчаның эшчәнлеге белән танышты һәм аларга югары бәя бирде.
Шулай ук 29 ноябрь көнне мәктәбебез мөмкинлекләре чикле балалар өчен районкүләм шашка ярышына кунаклар кабул итте.
Ә мәктәп укучыларын һәм укытучыларын сәхнә теле серләре дөньясына яраткан тренерыбыз Мәрьям Салихова алып керде, кызыклы дәресләр үткәрде.