«ТВ ведущий» компетенциясе буенча «Оста – Саба» чемпионаты
25 ноябрь көнне ”Сәләтле балалар өчен «ОНИКС»мәгариф үзәге” базасында «ТВ ведущий» компетенциясе буенча «Оста – Саба» чемпионаты узды, анда 31 укучы катнашты. Конкурс ике этаптан торды: теоретик һәм практик. Беренче этапта балалар теоретик өлеш буенча сорауларга җавап бирделәр һәм карточкалар белән эшләделәр. Укучыларның бу өлкәдә яхшы әзерләнүләре һәм тирән белемгә ия булулары күренеп тора иде.
Ә икенче этапта катнашучылар бер-берсеннән түбәндәге темаларга интервью алдылар: 1. Әгәр мин мәктәп директоры булсам... 2. Эшмәкәр булу җиңелме? 3. Заманча гаджетлар
Өй эше этабында укучылар төрле һөнәр ияләре белән әңгәмә корып, интервью алырга һәм 2 минутлык видеоролик яздырырга тиеш иде.
Бәйгенең нәтиҗәсе түбәндәгечә:
5-7 сыйныф укучылары арасында
I урын – Сабабаш төп мәктәбеннән Гаптрахимов Ильяс;
II урын – Килдебәк урта мәктәбеннән Тимергалиева Лиана;
III урын – Саба гимназиясеннән Шакирҗанова Аделина.
8 -11 сыныф укучылары арасыннан:
I урын – Эзмә урта мәктәбеннән Мифтахова Азалия;
II урын – Сәләтле балалар өчен “ОНИКС” мәгариф үзәгеннән Гаттарова Язилә;
III урын – Сатыш урта мәктәбеннән Сабиров Алмаз.
Җиңүчеләрне чын күңелдән котлыйбыз һәм аларга киләчәктә дә иҗади уңышлар телибез!